Tamil News

Tamil news from around the world!

Breaking News!


ஜுன் 12-ல் மேட்டூர் அணையை திறக்க ஸ்டாலின் வேண்டுகோள்
Dinakaran , May 20, 2019
புதிய 10 ரூபாய் நோட்டு ரிசர்வ் வங்கி அறிமுகம்
மும்பை: ரிசர்வ் வங்கி விரைவில் புதிய 10 ரூபாய் நோட்டை வெளியிட திட்டமிட்டுள்ளது. இந்த ரூபாய் நோட்டில் ரிசர்வ் வங்கியின் புதிய கவர்னர் சக்திகாந்த தாஸின் கையொப்பம் இடம்பெற்றிருக்கும். ரிசர்வ் வங்கி இதுவரையில் வெளியிட்டுள்ள 10 ரூபாய் நோட்டுகள் தொடர்ந்து செல்லுபடியாகும். அதில் எந்த மாற்றமும் இல்லை. புதிய 10 ரூபாய் நோட்டுகளில் காந்தியின் (புதிய) புகைப்படம், பழைய ரூபாய் நோட்டுகளில் அச்சிடப்பட்டது போலேவே இருக்கும். இந்த ஆண்டு ஏப்ரலில் ரிசர்வ் வங்கி அறிவித்தப்படி புதிய 200, 500 ரூபாய் நோட்டுகள் வெளியிடப்பட்டன. அவற்றில் காந்தியின் புதிய புகைப்படமும் ரிசர்வ் வங்கியின் கவர்னர் சக்தி காந்த தாஸின் கையொப்பமும் இடம்பெற்றுள்ளது.
Dinakaran , May 21, 2019
45 சிவில் நீதிபதிகளுக்கு பதவி உயர்வு
சென்னை: தமிழகத்தில் 45 சீனியர் சிவில் நீதிபதிகளுக்கு பதவி உயர்வு வழங்கி அரசு உத்தரவிட்டுள்ளது. இதுகுறித்து தமிழக அரசு வெளியிட்ட அறிவிப்பாணை: தமிழகம் முழுவதும் மாஜிஸ்திரேட்களாகவும், சீனியர் சிவில் நீதிபதிகளாகவும் பணியாற்றி வந்த 45 நீதிபதிகள் மாவட்ட நீதிபதிகளாக பதவி உயர்வு பெற்றுள்ளனர். அதன்படி, சென்னை சிட்டி சிவில் நீதிமன்ற நீதிபதி தமிழரசி, சென்னை பெருநகர தலைமை குற்றவியல் நடுவர் மலர்விழி,  2வது சிட்டி சிவில் நீதிபதி முருகேசன், 8வது சிட்டி சிவில் நீதிபதி அப்தூல் மாலிக், 17வது சிட்டி சிவில் நீதிபதி ஆப்ரஹாம் லிங்கன் உள்ளிட்ட 45 சீனியர் சிவில் நீதிபதிகள் மாவட்ட நீதிபதிகளாக பதவி உயர்வு பெற்றுள்ளனர்.
Dinakaran , May 21, 2019
மின்னணு வாக்குப்பதிவு இயந்திரங்கள் மாற்றப்படுவதாக வந்த புகார் : தேர்தல் ஆணையம் மறுப்பு
Dinakaran , May 21, 2019
இந்தியாவுக்கான பாகிஸ்தான் தூதராக மொய்ன் உல்ஹக் நியமனம்
இஸ்லாமாபாத்: இந்தியாவுக்கான பாகிஸ்தான் தூதராக மொய்ன் உல்ஹக் நியமிக்கப்பட்டுள்ளார். இந்தியாவுக்கான பாகிஸ்தான் தூதராக சொகைல் முகமது தற்போது பணியாற்றி வருகிறார். இந்த நிலையில் அவரை பாகிஸ்தான் வெளியுறவு செயலாளராக பணிமாற்றம் செய்து பாகிஸ்தான் பிரதமர் இம்ரான்கான் உத்தரவிட்டுள்ளார்.  இதையடுத்து காலியாகும் இந்திய தூதர் பதவிக்கு தற்போது பிரான்ஸ் நாட்டுக்கான பாகிஸ்தான் தூதராக பணியாற்றும் மொய்ன் உல்ஹக் நியமனம் செய்யப்பட்டுள்ளார். இது தவிர இந்தியா, சீனா, ஜப்பான் போன்ற பல்வேறு நாடுகளுக்கும் 20க்கும் மேற்பட்ட புதிய அதிகாரிகளையும் இம்ரான்கான் நியமனம் செய்துள்ளார்.  காஷ்மீரின் புல்வாமா தாக்குதலில் பாகிஸ்தான் நாட்டின் பெயருக்கு களங்கம் ஏற்பட்டதை தொடர்ந்து விரைவில் இந்தியாவில் புதிய அரசு பதவியேற்க உள்ளதையொட்டி, அந்த அரசுடன் இணைந்து பணியாற்ற வேண்டியிருப்பதால் தூதர் மாற்றப்பட்டுள்ளதாக அரசியல் நோக்கர்கள் கருதுகின்றனர்.
Dinakaran , May 21, 2019
பதிவுத்துறை ஐஜியாக முருகானந்தம் பொறுப்பேற்பு
சென்னை: தொழில்துறை செயலாளர் முருகானந்தத்திடம் பதிவுத்துறை ஐஜி பொறுப்பு கூடுதலாக ஒப்படைக்கப்பட்டுள்ளது. பதிவுத்துறை ஐஜி குமரகுருபரனை பேரிடர் மேலாண்மை ஆணையராக பணியிட மாற்றம் செய்து கடந்த பிப்ரவரி 15ம் தேதி தமிழக அரசு உத்தரவிட்டது. தொடர்ந்து, பதிவுத்துறை ஐஜி பொறுப்பு வணிகவரி மற்றும் பதிவுத்துறை செயலாளர் பாலச்சந்திரனிடம் கூடுதலாக ஒப்படைக்கப்பட்டது. இந்நிலையில், நேற்று முதல் வணிகவரித்துறை செயலாளர் பாலச்சந்திரன் 15 நாட்களுக்கு விடுப்பில் சென்றுள்ளார். இதை தொடர்ந்து, தொழில்துறை செயலாளர் முருகானந்தத்திடம் பதிவுத்துறை ஐஜி பொறுப்பு கூடுதலாக ஒப்படைக்கப்பட்டுள்ளது. இதற்கிடையே, வரும் ஜூன் 3ம் தேதி வணிகவரித்துறை செயலாளர் பாலச்சந்திரன் மீண்டும் பணிக்கு திரும்புகிறார் என்று பதிவுத்துறை வட்டாரங்கள் தெரிவிக்கின்றன.
Dinakaran , May 21, 2019
தலைமை செயலருடன் ஆலோசனை: அவகாசம் கோரி ட்விட்டர் நிறுவனம் மனு
Dinakaran , May 21, 2019
தூத்துக்குடி துப்பாக்கிச்சூடு நினைவு தினம் : பாதுகாப்பு பணியில் 3000 போலீசார்
தூத்துக்குடி : தூத்துக்குடி துப்பாக்கிச்சூடு நினைவு தினத்தையொட்டி மாவட்டம் முழுவதும் 3000 போலீசார் பாதுகாப்பு பணியில் ஈடுபடுவார்கள். தூத்துக்குடியில் ஸ்டெர்லைட் ஆலைக்கு எதிராக கடந்த ஆண்டு மே 22ம் தேதி கலெக்டர் அலுவலகத்தை முற்றுகையிட்டவர்கள் மீது போலீசார் துப்பாக்கி சூடு நடத்தியதில் 13 பேர் பலியாகினர். இதுதொடர்பான வழக்கை சி.பி.ஐ. அதிகாரிகள் விசாரித்து வருகின்றனர். இந்நிலையில் துப்பாக்கி சூட்டில் பலியானவர்களுக்கு நினைவு அஞ்சலி செலுத்த திட்டமிடப்பட்டுள்ளது. நாளை தூத்துக்குடி பெல் ஓட்டலில் ஒரு தரப்பினர் நினைவஞ்சலி கூட்டம் நடத்துகின்றனர். இதன் காரணமாக அங்கு 3000 போலீசார் பாதுகாப்பு பணியில் ஈடுபடுவார்கள்.
Dinakaran , May 21, 2019