News about Delhi

Tamil news from around the world!

குமாரசாமி பதவியேற்பு விழாவில் டெல்லி முதலமைச்சர் அரவிந்த் கெஜ்ரிவால் பங்கேற்பார் என அறிவிப்பு
Dinakaran , May 21, 2018
கர்நாடகத்துக்கு இரு துணை முதல்வர்கள்? பரமேஸ்வர் மற்றும் சிவசங்கரப்பாவுக்கு வாய்ப்பு?
ThatsTamil , May 20, 2018
காவிரி நதிநீர் மேலாண்மை ஆணையம் அமைக்க உச்சநீதிமன்றம் உத்தரவு
Dinakaran , May 18, 2018
பாஜக-வை கர்நாடக ஆளுநர் எதனடிப்படையில் ஆட்சியமைக்க அழைத்தார்..? : உச்சநீதிமன்றம் கேள்வி
Dinakaran , May 17, 2018
கர்நாடகத்தில் நாளையே நம்பிக்கை வாக்கெடுப்பு நடத்த உத்தரவிட வாய்ப்பு..?
டெல்லி: பெரும்பான்மை இல்லாமல் அதிக இடங்களை வென்ற ஒரே காரணத்திற்காக கர்நாடகாவில் பாஜக-வை ஆட்சியமைக்க அழைத்த கவர்னரின் முடிவுக்கு எதிரான வழக்கு விசாரணை உச்சநீதிமன்றத்தில் நடந்து வருகிறது. வழக்கை விசாரித்து வரும் உச்சநீதிமன்ற அமர்வு பாஜக தரப்பிற்கு சரமாரியாக கேள்வி எழுப்பியுள்ளது. வாக்கெடுப்பு நடத்த கூடுதல் நேரம் அளிக்க முடியாது. ஒருவேளை நாளையே நம்பிக்கை வாக்கெடுப்பு நடத்த நாங்கள் உத்தரவி்டலாம். பாதுகாப்பு ஏற்பாடுகளை செய்ய கர்நாடக டிஜிபி-க்கு உத்தரவிடுவோம் என கூறியுள்ளனர். எனவே கர்நாடக பேரவையில் நாளை பலப்பரீட்சை நடைபெற வாய்ப்பு ஏற்படும் என எதிர்பார்க்கப்படுகிறது.
Dinakaran , May 17, 2018
கர்நாடகத்தில் நாளையே நம்பிக்கை வாக்கெடுப்பு நடத்த பாஜக வழக்கறிஞர் எதிர்ப்பு..!
டெல்லி: பெரும்பான்மை இல்லாமல் அதிக இடங்களை வென்ற ஒரே காரணத்திற்காக கர்நாடகாவில் பாஜக-வை ஆட்சியமைக்க அழைத்த கவர்னரின் முடிவுக்கு எதிரான வழக்கு விசாரணை உச்சநீதிமன்றத்தில் நடந்து வருகிறது. வழக்கை விசாரித்து வரும் உச்சநீதிமன்ற அமர்வு பாஜக தரப்பிற்கு சரமாரியாக கேள்வி எழுப்பியுள்ளது. வாக்கெடுப்பு நடத்த கூடுதல் நேரம் அளிக்க முடியாது. ஒருவேளை நாளையே நம்பிக்கை வாக்கெடுப்பு நடத்த நாங்கள் உத்தரவி்டலாம். பாதுகாப்பு ஏற்பாடுகளை செய்ய கர்நாடக டிஜிபி-க்கு உத்தரவிடுவோம் என கூறியுள்ளனர். விசாரணையின் போது வாதிட்ட காங்., - மஜத தரப்பு, பெரும்பான்மையை நிரூபிக்கும் வாய்ப்பை முதலில் தங்களுக்கு வழங்க வேண்டும் என வாதிட்டது. இந்நிலையில் நாளையே நம்பிக்கை வாக்கெடுப்பு நடந்தாலும் பெரும்பான்மையை நிரூபிக்க தயார் என காங்கிரஸ் - மஜத கூட்டணி முதலில் அறிவித்தது. தொடர்ந்து காரசார வாதம் நடைபெற்றது. ஒரு கட்டத்தில் நீதிபதிகளின் சரமாரியான கேள்விகளை தாக்கு பிடிக்க முடியாமல் திணறிய பாரதிய ஜனதா தரப்பு, கர்நாடகத்தில் நாளையே நம்பிக்கை வாக்கெடுப்பு நடத்த உத்தரவிட வேண்டாம் என கூறியுள்ளது. தங்களுக்கு கால அவகாசம் வழங்க வேண்டும் என கோரியுள்ளது
Dinakaran , May 17, 2018
தமிழக கோரிக்கை நிராகரிப்பு...காவிரி வாரியம் அல்ல; ஆணையம் தான் : இன்று இறுதி உத்தரவு
புதுடெல்லி: காவிரி நதிநீர் பங்கீடு விவகாரத்தில் காவிரி மேலாண்மை வாரியம் என்று பெயரிட வேண்டும் என்ற தமிழகம் வைத்த கோரிக்கையை  நிராகரித்த மத்திய அரசு, அதற்கு பதிலாக காவிரி நீர் மேலாண்மை ஆணையம் உருவாக்கப்படும் என திருத்தம் செய்து புதிய புதிய வரைவு செயல்  திட்டத்தில் தெரிவித்துள்ளது. இதையடுத்து இந்த வழக்கில் இன்று மாலை 4 மணிக்குள் இறுதி உத்தரவு பிறப்பிக்கப்படலாம் என உச்ச நீதிமன்ற  தலைமை நீதிபதி தீபக்மிஸ்ரா நேற்று தெரிவித்தார்.   காவிரி வழக்கானது உச்ச நீதிமன்றத்தின் தலைமை நீதிபதி தீபக் மிஸ்ரா, நீதிபதிகள் ஏஎம்.கன்வீல்கர், சந்திராசூட் ஆகியோர் அமர்வில் நேற்று மீண்டும்  விசாரணைக்கு வந்தது. அப்போது, மத்திய அரசின் தலைமை வழக்கறிஞர் கே.கே.வேணுகோபால் திருத்தம் செய்யப்பட்ட புதிய வரைவு செயல்  திட்டத்தை நீதிபதிகள் முன்னிலையில் தாக்கல் செய்து ஒரு விளக்கத்தை தெரிவித்தார்.  அதில், நான்கு மாநிலத்தின் காவிரி நதிநீர் பங்கீடு விவகாரத்தை தீர்க்கும் விதமாக “காவிரி நீர் மேலாண்மை ஆணையம்” என திட்டத்திற்கு  பெயரிடப்பட்டுள்ளது. இதில் அணைகளில் இருந்து தண்ணீர் திறந்து விடுதல். அதனை கட்டுக்குள் வைப்பது மற்றும் பராமரித்தல் ஆகிய அனைத்தும்  ஆணையத்தின் கட்டுக்குள் இருக்கும். இதில் எந்த ஒரு முடிவாக இருந்தாலும் மாநிலங்கள் ஆணையத்திடம் தான் முறையிட வேண்டும். மத்திய  அரசிடம் அதுகுறித்து தெரிவிக்கவோ அல்லது மேல்முறையிடு செய்ய வேண்டிய அவசியமோ கிடையாது. அதேபோல் இந்த ஆணையத்தின் தலைமை  அலுவலகம் டெல்லியிலேயே அமைக்கப்படும்” என்று கூறப்பட்டிருந்தது. இதற்கு தமிழக அரசு தரப்பில் ஆஜரான மூத்த வழக்கறிஞர் சேகர் நாப்தே ஆட்சேபனை தெரிவித்து வாதிடும்போது, “ கோதாவரி, பிரம்மபுத்திரா  ஆகிய நதிகளுக்கு என அமைக்கப்பட்டுள்ள குழுவிற்கு வாரியம் என தான் பெயர் வைக்கப்பட்டுள்ளது. அதனால் காவிரி மேலாண்மை வாரியம் என்று  தான் இதற்கு பெயர் இருக்க வேண்டும். தமிழகத்தின் கோரிக்கை இந்த விவகாரத்தில் நிராகரிக்கப்பட்டுள்ளது. அதேப்போல் காவிரி விவகாரத்தில் கடந்த  பிப்ரவரி மாதம் 16ம் தேதி உச்ச நீதிமன்றம் வழங்கிய தீர்ப்பிற்கு இணையாக புதிய வரைவு உள்ளதா என நீதிமன்றம் தெரிவிக்க வேண்டும். மேலும்,  எந்தெந்த மாநிலத்திற்கு எவ்வளவு தண்ணீர் வழங்க வேண்டும் என்பதை ஆணையத்திடம் தெரிவிக்க கர்நாடக அரசுக்கு உத்தரவிட வேண்டும். அப்படி இல்லையென்றால் தற்போது இருப்பது போல் நீர் பங்கீடு பிரச்னையானது தொடர்ந்து நீடிக்கும். அதனால் முழு அதிகாரம் ஆணையத்திற்கு தான்  வழங்க வேண்டும் என்றார். இதற்கு பதிலளித்த மத்திய அரசின் தலைமை வக்கீல், “வாரியம் என்பதை விட ஆணையம் தான் மிகவும் சக்தி வாய்ந்த  ஒன்று. அதனால் இந்த விவகாரத்தில் ஆணையத்திற்கு தான் முழு அதிகாரம் உண்டு’’ என தெரிவித்தார். அப்போது குறுக்கிட்ட கர்நாடக வக்கீல்  ஷிவாம் திவான், “வறட்சி காலங்களில் மாநிலங்களில் திறக்கப்படும் தண்ணீரை தவிர மற்ற நேரங்களில் பயன்படுத்தும் நீர் குறித்து ஆணையத்திடம்  தெரிவிக்க வேண்டும் என வரைவில் குறிப்பிடப்பட்டுள்ளது. இதனை நாங்கள் ஏன் ஆணையத்திடம் தெரிவிக்க வேண்டும். மேலும் அதற்கான முன் அறிவிப்பை கூட தெரிவிக்க வேண்டிய அவசியம் கிடையாது.  அதனால் ஆணையத்திடம் மற்றக்காலங்களில் நீர் திறப்பது குறித்து கண்டிப்பாக ஆணையத்திடம் கூற முடியாது. மேலும் உச்ச நீதிமன்ற தீர்ப்பின் படி  மத்திய அரசு தற்போது தாக்கல் செய்துள்ள வரைவு செயல் திட்டம் இல்லை. இது மாநில அரசின் அதிகாரத்தில் தலையிடுவதாக உள்ளது’’ என்றார்.  கர்நாடகாவின் இந்த வாதத்திற்கு புதுச்சேரி மாநில வக்கீலும் எதிர்ப்பு தெரிவித்தார். இந்த வாதங்களை கேட்ட தலைமை நீதிபதி காவிரிக்கென  உருவாக்கப்படும் ஆணையத்திடம் கண்டிப்பாக நீர் விவரங்களை தெரிவிக்க வேண்டும். ஏனெனில் அதற்கு தான் முழு அதிகாரம் உள்ளது என்றார்.  அனைத்து தரப்பு வாதங்களையும் கேட்ட  தலைமை நீதிபதி தீபக்மிஸ்ரா உத்தரவில்,  “காவிரி நதிநீர் பங்கீடு விவகாரத்தில் வழங்கப்படும் உத்தரவானது மாநிலங்களிடையே எந்த பிரச்னைகளையும் ஏற்படுத்தாத அளவிற்கு இருக்க  வேண்டும். அதனால் மத்திய அரசு தரப்பில் இருந்து தற்போது புதிதாக தயார் செய்து தாக்கல் செய்யப்பட்டுள்ள வரைவு செயல் திட்டத்தை நீதிமன்றம்  முழுவதுமாக பரிசீலனை செய்து இந்த வழக்கில் முடிந்தவரையில் நாளை (இன்று) மாலை 4 மணிக்குள்ளோ, அல்லது மே 22ம் தேதியோ இறுதி  உத்தரவு பிறப்பிக்கப்படும்’’ என்று உத்தரவிட்டார்.மத்திய அரசு பல்டிகாவிரி விவகாரத்தில் மூன்று பெயர்களை குறிப்பிட்ட மத்திய அரசு நேற்று முன் தினம் நடந்த விசாரணையின் போது தலைமை நீதிபதியிடம் காவிரி  மேலாண்மை வாரியம் என்ற பெயரில் காவிரி செயல் திட்டத்தை அமைக்க வேண்டும் என நீதிமன்றம் உத்தரவிட்டால் அதனை உடனடியாக  செயல்படுத்துவோம் என உறுதியளித்தது. ஆனால் வழக்கு நேற்று மீண்டும் விசாரணைக்கு வந்தபோது திருத்தம் செய்யப்பட்ட வரைவில் காவிரி  மேலாண்மை வாரியம் அமைக்க முடியாது அதற்கு பதிலாக காவிரி நீர் மேலாண்மை ஆணையம் என்ற பெயரில் தான் திட்டம் உருவாக்க முடியும் என  தெரிவித்துள்ளது. இதில் காவிரி விவகாரத்தில் வழக்கம் போல் மத்திய அரசு மீண்டும் அந்தர் பல்டி அடித்துள்ளது. மேலும் தமிழக அரசு கோரிக்கையும்  தற்போது திட்டவட்டமாக நிராகரிக்கப்பட்டுள்ளது என்பது குறிப்பிடத்தக்கது.
Dinakaran , May 17, 2018
ஆதரவு எம்.எல்.ஏ.க்கள் பட்டியலை தாக்கல் செய்ய எடியூரப்பாவுக்கு உச்சநீதிமன்றம் உத்தரவு :
புதுடெல்லி: எடியூரப்பா கர்நாடக முதல்வராக பதவியேற்பதற்கு தடை விதிக்க முடியாது என உச்சநீதிமன்ற நீதிபதி சிக்ரி தெரிவித்துள்ளார். அதேபோல் ஆட்சியமைக்க ஆளுநர் அழைத்ததற்கு தடை விதிக்க முடியாது என நீதிமன்றம் கூறியுள்ளது. ஆதரவு எம்.எல்.ஏ.க்களின் கடிதங்களை மதியம் 2 மணிக்குள் தாக்கல் செய்ய எடியூரப்பாவுக்கு உத்தரவு பிறப்பிக்கப்பட்டுள்ளது. மதியம் 2 மணிக்கு ஆதரவு கடிதத்தை உச்சநீதிமன்றத்தில் தாக்கல் செய்ய எடியூரப்பாவுக்கு உச்சநீதிமன்றம் நோட்டீஸ் அனுப்பியுள்ளது. இந்த வழக்கு தொடர்பான விசாரணை நாளை காலை 10.30 மணிக்கு மீண்டும் விசாரணைக்கு வருகிறது. ஆனால் கர்நாடக முதல்வராக எடியூரப்பா 9 மணிக்கு பதவியேற்க உள்ளார் என்பது குறிப்பிடத்தக்கது.
Dinakaran , May 16, 2018
எடியூரப்பா பதவியேற்க தடை கோரிய வழக்கு : நள்ளிரவு 1.45 மணிக்கு தலைமை நீதிபதி அமர்வு விசாரணை
புதுடெல்லி: எடியூரப்பா பதவியேற்க தடை கோரிய காங்கிரஸ் மனுவை விசாரிக்க தலைமை நீதிபதி தீபக் மிஸ்ரா ஒப்புதல் வழங்கியுள்ளார். இன்று நள்ளிரவு 1.45-க்கு காங்கிரஸ் மனு மீதான விசாரணை நடைபெற உள்ளது. நள்ளிரவு 1.45 மணிக்கு உச்சநீதிமன்றத்தில் தலைமை நீதிபதி அமர்வு விசாரிக்கிறது. முன்னதாக கர்நாடகாவில் ஆளுநர் முடிவுக்கு எதிராக உச்சநீதிமன்ற தலைமை நீதிபதியிடம் காங்கிரஸ் முறையிட்டுள்ளது. எடியூரப்பா பதவியேற்க தடை கோரி உச்சநீதிமன்றத்தில் காங்கிரஸ் மனு அளித்துள்ளது. இரவே அவசர வழக்காக விசாரிக்க உச்சநீதிமன்ற பதிவாளரிடம் காங்கிரஸ் வழக்கறிஞர் கோரிக்கை விடுத்திருந்தார். இந்நிலை இந்த மனு மீதான விசாரணை இன்று நள்ளிரவு 1.45 மணிக்கு விசாரணைக்கு வருகிறது.
Dinakaran , May 16, 2018