News about Education

Tamil news from around the world!

கால்நடை மருத்துவ கலந்தாய்வுக்கு இன்று முதல் விண்ணப்பிக்கலாம்
சென்னை: தமிழகத்தில் கால்நடை மருத்துவ கலந்தாய்வுக்கு இன்று முதல் விண்ணப்பிக்கலாம்.கால்நடை மருத்துவ இடங்களுக்கு. இன்று காலை 10 மணி முதல் மாணவர்கள் www.tanuvas.ac.in என்ற இணையதளத்தில் விண்ணப்பிக்கலாம்.   ஜூன் 24ம் தேதி தரவரிசைப்பட்டியல் வெளியிடப்படுகிறது. பி.விஎஸ்சி, பி.டெக் பவுல்டரி டெக்னாலஜி, பி.டெக் புட் டெக்னாலஜி, பி.டெக் டெய்ரி டெக்னாலஜி ஆகிய பாடப்பிரிவுகளில் 7 கல்லூரிகளில் 460 இடங்கள் உள்ளன.  மொத்த இடங்களில் 15 சதவீத இடங்கள் மத்திய கால்நடை மருத்துவ கவுன்சில், கலந்தாய்வு மூலம் நிரப்பி வருகிறது. பிளஸ்2 மதிப்பெண் அடிப்படையில் மீதமுள்ள 85 சதவீத இடங்களுக்கு கால்நடை மருத்துவ அறிவியல் பல்கலைக்கழகம்  கலந்தாய்வு நடத்துகிறது. இந்த இடங்களுக்கான கவுன்சலிங் ஜூலை 9ம் தேதி முதல் 11ம் தேதி வரை நடைபெறுகிறது.
Dinakaran , May 7, 2019
தேர்வு முறைகேட்டில் ஈடுபட்டதாக தனியார் பொறியியல் கல்லூரி முதல்வர் மீது நடவடிக்கை எடுக்க உத்தரவு
Dinakaran , May 5, 2019
வீடுகளில் திருடிய மாணவன் கைது
அண்ணாநகர்: அயனாவரத்தை சேர்ந்தவர் புஷ்பராஜ் (60). இவர், அண்ணாநகர், 13வது பிளாக்கில் காவலாளியாக வேலை செய்து வருகிறார். நேற்று அதிகாலை 5 மணியளவில் புஷ்பராஜ் வேலை செய்யும் இடத்தில் உள்ள  அறையில் வைத்திருந்த இரண்டு செல்போன்களை வாலிபர் ஒருவர் திருடிக்கொண்டு ஓட்டம் பிடித்தார்.இதை கண்டதும் அவர் திருடன், திருடன் என்று சத்தம் போடவே, அங்கு நடைபயிற்சி செய்து கொண்டிருந்தவர்கள் அந்த வாலிபரை பிடித்து தர்ம அடி கொடுத்து அண்ணாநகர் போலீசாரிடம் ஒப்படைத்தனர்.விசாரணையில் டிபி.சத்திரம், 26வது தெருவை சேர்ந்த விஜய் (21), கல்லூரியில் 2ம் ஆண்டு படித்து வருவதும், வீடுகளுக்கு பேப்பர் போடும் வேலை செய்யும் போது, வீடுகளை நோட்டமிட்டு செல்போன்களை திருடி வந்ததை  ஒப்புகொண்டார். அவரை கைது செய்தனர்.
Dinakaran , Apr 28, 2019
சிபிஎஸ்இ +2 தேர்வு முடிவுகள் வெளியாகும் வரை கலை, அறிவியல் கல்லூரிகளில் மாணவர் சேர்க்கை தொடர வேண்டும் : கல்லூரிக் கல்வி இயக்ககம்
Dinakaran , Apr 25, 2019
தாம்பரத்தில் கள்ள ஓட்டு
தாம்பரம்: தாம்பரம் அடுத்த முடிச்சூர், கம்பர் தெருவை சேர்ந்தவர் கோபிநாத் (35). இவர் பெரம்பலூரில் உள்ள தனியார் மருத்துவ கல்லூரியில் உதவி பேராசிரியாராக வேலை பார்த்து வருகிறார். இவர் நேற்று காலை ஓட்டளிப்பதற்காக பெரம்பலூரில் இருந்து முடிச்சூர் பகுதியில் உள்ள வாக்குச்சாவடிக்கு வந்தபோது, உங்கள் ஓட்டு ஏற்கனவே போடப்பட்டுவிட்டது என அதிகாரிகள் அவரிடம் தெரிவித்தனர். இதனால் அதிர்ச்சியடைந்த அவர் என் ஓட்டை வேறு யாரோ கள்ள ஓட்டு போட்டுவிட்டனர் என கூறி வாக்குச்சாவடியில் இருந்த அதிகாரிகளிடம் வாக்குவாதத்தில் ஈடுபட்டார். இதனால் அங்கு பரபரப்பு ஏற்பட்டது. பின்னர் நீண்ட நேரம் கழித்து 49பி விதிப்படி 17பி படிவத்தில் கையெழுத்திடப்பட்டு  17 ஏ படிவம் மூலம் ஓட்டளிக்க அவருக்கு அனுமதி வழங்கப்பட்டது.
Dinakaran , Apr 18, 2019
களக்காடு அருகே காதலித்து திருமணம் செய்த கணவரை கொன்றது ஏன்? கைதான மனைவி பகீர் வாக்குமூலம்
களக்காடு: பலமுறை எச்சரித்தும் கள்ளத்தொடர்பை கைவிட மறுத்ததால் காதல் கணவரை கொலை செய்ததாக கைதான மனைவி போலீசில் வாக்குமூலம் அளித்துள்ளார். நெல்லை மாவட்டம் களக்காடு அருகே உள்ள ஜெ.ஜெ.நகர் மேல காலனியைச் சேர்ந்தவர் கட்டிட தொழிலாளி் ஜான்சன் (50). இவரது 2வது மனைவி பேரின்பம் (45). இந்த தம்பதியினருக்கு 4 மகள்கள் உள்ளனர். இதனிடையே ஜான்சனுக்கும், அதே பகுதியைச் சேர்ந்த மற்றொரு பெண்ணுக்கும் கள்ளத்தொடர்பு ஏற்பட்டுள்ளது. இதையறிந்த பேரின்பம், கள்ளத்தொடர்பை கைவிடும்படி கணவரிடம் வலியுறுத்தி உள்ளார். எனினும் அவர் தொடர்பை கைவிடவில்லை. இதனால் அவர்களுக்குள் அடிக்கடி தகராறு ஏற்பட்டுள்ளது. கடந்த 3ம் தேதி இரவும் அவர்களுக்குள் மீண்டும் தகராறு ஏற்பட்டது. பின்னர் இருவரும் தூங்கச் சென்றனர். ஜான்சன் வீட்டின் முன் அறையில் தூங்கிக் கொண்டிருந்தார். அதிகாலை 5 மணிக்கு எழுந்த பேரின்பம், திடீரென மண்வெட்டியால் ஜான்சனின் முகத்தில் சரமாரியாக வெட்டினார்.இதில் படுகாயம் அடைந்து ரத்த வெள்ளத்தில் மிதந்த அவரை உறவினர்கள் மீட்டு, நெல்லை அரசு மருத்துவக்கல்லூரி மருத்துவமனையில் சேர்த்தனர். அங்கு நேற்று முன்தினம் மாலை 4 மணியளவில் ஜான்சன் இறந்தார். இதுகுறித்து களக்காடு போலீசில் புகார் செய்யப்பட்டது. எஸ்ஐ லிபிபால்ராஜ் மற்றும் போலீசார் வழக்கு பதிந்து பேரின்பத்தை கைது செய்தனர். அவர் அளித்துள்ள வாக்குமூலத்தில் கூறியதாக போலீசார் தெரிவித்ததாவது: நானும், ஜான்சனும் காதலித்து திருமணம் செய்து கொண்டோம். எங்களுக்கு 4 மகள்கள் உள்ளனர். இதில் இருவருக்கு திருமணம் முடிந்து விட்டது. 3வது மகளுக்கு திருமண ஏற்பாடுகள் செய்து வருகிறேன். இந்நிலையில் எனது கணவருக்கும், இன்னொரு பெண்ணுக்கும் தொடர்பு ஏற்பட்டதாக அறிந்தேன். இதனை நான் கண்டித்தேன். கோபம் அடைந்த எனது கணவர் என்னை கைவிட்டு, அவளுடனே குடும்பம் நடத்தப் போகிறேன் என்று கூறினார். மேலும் எனது மகளின் திருமணத்திற்கும் பணம் தர மாட்டேன் என்றும் கூறினார். இது எனக்கு ஆத்திரத்தை ஏற்படுத்தியது. சம்பவத்தன்று அதிகாலை பால் வாங்க பணம் கேட்டேன். அதற்கு அவர் பணம் தர மறுத்தார். எனவே ஆத்திரத்தில் மண்வெட்டியால் முகத்தில் சரமாரியாக வெட்டினேன். இதில் அவர் இறந்து போனார். இவ்வாறு அவர் கூறி உள்ளார்.
Dinakaran , Apr 6, 2019
துரைமுருகன் மற்றும் திமுக பிரமுகர்களுக்கு சொந்தமான 10 இடங்களில் வருமான வரி சோதனை
Dinakaran , Apr 1, 2019
காட்பாடியில் திமுக பொருளாளர் துரைமுருகன் மகனுக்கு சொந்தமான கல்லூரியில் வருமான வரித்துறையினர் சோதனை
Dinakaran , Mar 31, 2019
திமுக தேர்தல் அலுவலகத்துக்கு மர்மநபர்கள் தீவைப்பு: தஞ்சையில் நள்ளிரவில் பரபரப்பு
தஞ்சை: தஞ்சையில் திமுக தேர்தல் அலுவலகத்துக்கு மர்மநபர்கள்  நள்ளிரவில் தீவைத்தனர்.  இது எதிர்கட்சிகளின் சதியென திமுகவினர் குற்றம் சாட்டியுள்ளனர். தஞ்சை மாநகராட்சி 39வது வார்டு முனிசிபல் காலனியில் திமுக தேர்தல் அலுவலகம் செயல்பட்டு வந்தது. நேற்று இரவு திமுகவினர் தேர்தல் பணிகளை முடித்து கொண்டு தங்களது வீடுகளுக்கு புறப்பட்டு சென்றனர். இந்நிலையில் திடீரென நள்ளிரவில் தேர்தல் அலுவலக கீற்று கொட்டகையில் தீப்பிடித்து எரிய துவங்கியது. அருகில் இருந்தவர்கள் விரைந்து வந்து தீயை அணைக்க முயற்சி செய்தும் முடியவில்லை. இதற்குள் கீற்று கொட்டகை அலுவலகம் முழுவதும் எரிந்து சாம்பலானது.இது பற்றிய தகவல் அறிந்ததும் தஞ்சை தெற்கு மாவட்ட திமுக செயலாளர் துரை.சந்திரசேகரன், திமுக மாவட்ட இளைஞரணி அமைப்பாளர் சன்.ராமநாதன்  மற்றும் தஞ்சை மருத்துவக்கல்லூரி போலீசார் சம்பவ இடத்துக்கு சென்று விசாரித்தனர்.
Dinakaran , Mar 31, 2019
திமுக பொருளாளர் துரைமுருகன் வீடு, பள்ளி , கல்லூரிகளில் வருமான வரித்துறையினர் சோதனை
Dinakaran , Mar 29, 2019
மதுரை வக்பு வாரிய கல்லூரி தாளாளர் தொடர்ந்த வழக்கில் சிபிஐ பதில் தர உச்சநீதிமன்றம் உத்தரவு
Dinakaran , Mar 29, 2019
பொள்ளாச்சியை சேர்ந்த கல்லூரி மாணவி மதுரை மாவட்ட ஆட்சியரிடம் பாலியல் புகார் மனு
Dinakaran , Mar 29, 2019
பைக் விபத்தில் மாணவன் பலி
ஆவடி: ஆவடி வீட்டு வசதி வாரிய குடியிருப்பைச் சேர்ந்தவர் தர்மலிங்கம். இவரது மகன் ராகுல் விஸ்வநாதன் (17), ஆவடி, காமராஜர் நகர், வ.உ.சி தெருவை சேர்ந்த கிரண் (17). இருவரும் திருமுல்லைவாயல் பகுதியில்  உள்ள தனியார் டிப்ளமோ கல்லூரியில் இறுதி ஆண்டு படிக்கின்றனர்.இந்நிலையில், நேற்று மாலை ராகுல், கிரண் ஆகிய இருவரும் நண்பர்களை பார்க்க பைக்கில் புறப்பட்டனர். இவர்கள் ஆவடி, காமராஜர் நகர் சேக்காடு ரோட்டில் வந்து கொண்டிருந்தனர். அப்போது திடீரென்று நிலை தடுமாறிய  பைக் சாலை ஓரத்தில் உள்ள மின் கம்பத்தில் மோதியது. இதில் இருவரும் கீழே விழுந்து படுகாயம் அடைந்தனர்.  அவர்களை பொதுமக்கள் மீட்டு ஆவடி அரசு மருத்துவமனையில் சேர்த்தனர். அங்கு பரிசோதித்த டாக்டர்கள்   ஏற்கனவே ராகுல் இறந்ததாக தெரிவித்தனர்.
Dinakaran , Mar 17, 2019
திருமணமான 5 மாதத்தில் புதுப்பெண் மர்மச்சாவு: ஆர்டிஓ விசாரணை
ஆவடி: ஆவடி அடுத்த பட்டாபிராமில் திருமணமான 5 மாதத்தில் புதுப்பெண் மர்மமான முறையில் இறந்தது குறித்து ஆர்டிஒ தீவிர விசாரணை நடத்தி வருகிறார்.ஆவடி அடுத்த பட்டாபிராம், ராஜீவ்காந்தி நகர், விவேகாநந்த தெருவை சேர்ந்தவர் சிவா. கட்டிட கான்ட்ராக்டர். இவருக்கும், சென்னை, கே.கே.நகர் சேர்ந்த சவுந்தர்யா (21) வுக்கும் கடந்த 5 மாதங்களுக்கு முன்பு திருமணம் நடந்தது.  சவுந்தர்யா தி.நகரில் உள்ள தனியார் கல்லூரியில் பி.காம் இறுதி ஆண்டு படித்து வந்தார்.இந்நிலையில் நேற்று முன்தினம் சவுந்தர்யா கல்லூரிக்கு சென்று விட்டு மாலை வீடு திரும்பினார். பின்னர், தாயாரிடம் அவர் போனில் பேசியதாக கூறப்படுகிறது. பின்னர், அவர், இரவு சாப்பிட்டு விட்டு படுக்கை அறைக்கு  சென்று தனியாக தூங்கி விட்டார்.இந்நிலையில், நேற்று காலை சவுந்தர்யா வெகுநேரமாகியும் படுக்கையறை விட்டு வெளியே வரவில்லை. இதனையடுத்து அவரை கணவர் சிவா எழுப்பி உள்ளார். அப்போது அவர் மயங்கிய நிலையில் இருந்ததாக கூறப்படுகிறது.  இதனை அடுத்து, அவரை மீட்டு பட்டாபிராமில் உள்ள தனியார் மருத்துவமனைக்கு கொண்டு சென்றார். அங்கு பரிசோதனை செய்த டாக்டர்கள் வரும் வழியிலேயே அவர் இறந்ததாக தெரிவித்தனர். தகவல் அறிந்து வந்த ஆவடி போலீசார் சடலத்தை கைப்பற்றி பிரேத பரிசோதனைக்காக கீழ்ப்பாக்கம் மருத்துவமனை அனுப்பி வைத்தனர். புகாரின் அடிப்படையில் உதவி கமிஷனர் ஜான் சுந்தர் வழக்கு பதிவு செய்து விசாரணை  நடத்தி வருகிறார். மேலும், சவுந்தர்யாவுக்கு திருமணமாகி ஐந்து மாதங்கள் ஆவதா திருவள்ளூர் ஆர்டிஓ விசாரணை நடத்தி வருகின்றனர்.
Dinakaran , Mar 17, 2019
பெண்களை மரியாதையாக நடத்துவதில் தென் இந்தியா சிறந்து விளங்குகிறது : ராகுல்காந்தி
Dinakaran , Mar 13, 2019
கல்வி மற்றும் ஆராய்ச்சிக்கு அதிக பணம் செலவழிக்க வேண்டியது அவசியம் :கல்லூரி மாணவிகள் மத்தியில் ராகுல்காந்தி பேச்சு
Dinakaran , Mar 13, 2019