News about Puthukottai

Tamil news from around the world!

பொன்னமராவதி கொந்தளிப்பு அவதூறு வீடியோ உருவாக்கிய 4 பேர் மீது குண்டாஸ் பாய்ந்தது
புதுக்கோட்டை: மக்களவை தேர்தலின்போது ஒரு சமூகத்தினரை அவதூறு செய்யும் வகையில் வெளியான வீடியோ புதுக்கோட்டை மாவட்டம் பொன்னமராவதி பகுதியில் பெரும் கொந்தளிப்பை ஏற்படுத்தியது. இந்நிலையில் போலீசார் தனிப்படை அமைத்து விசாரித்ததில், இந்த வீடியோவை சிங்கப்பூரில் இருந்து உருவாக்கிய செல்வகுமார் (34),  வசந்தகுமார்(30),  சக்தி என்ற சத்தியராஜ்(30), ரெங்கையா(45) ஆகிய 4 பேரை போலீசார் கைது செய்து  சிறையில் அடைத்தனர். இந்நிலையில் இந்த சம்பவத்தில் தொடர்புடைய செல்வகுமார், வசந்தகுமார், சத்தியராஜ், ரெங்கையா ஆகிய நான்கு பேரையும் குண்டர் தடுப்பு சட்டத்தின் கீழ் கைது செய்ய, எஸ்பி செல்வராஜ் பரிந்துரையின்படி கலெக்டர் உமாமகேஸ்வரி  உத்தரவிட்டார். இதன்பேரில் 4 பேரையும் குண்டர் தடுப்பு சட்டத்தில் கைது செய்த விவரம் திருச்சி மத்திய சிறைக்கு தெரிவிக்கப்பட்டது. 
Dinakaran , May 5, 2019
புதுக்கோட்டை மாவட்டம் முழுவதும் இன்று டாஸ்மாக் கடைகளை மூட மாவட்ட ஆட்சியர் உமா மகேஸ்வரி உத்தரவு
புதுக்கோட்டை :புதுக்கோட்டை மாவட்டம் முழுவதும் இன்று டாஸ்மாக் கடைகளை மூட மாவட்ட ஆட்சியர் உமா மகேஸ்வரி உத்தரவிட்டுள்ளார். பொன்னமராவதி சம்பவத்தால் அசம்பாவிதம் ஏற்படாமல் இருக்க டாஸ்மாக் கடைகளை மூட மாவட்ட ஆட்சியர் உத்தரவு பிறப்பித்துள்ளார். முன்னதாக புதுக்கோட்டை மாவட்டம் பொன்னமராவதியில் கலவரத்தில் ஈடுபட்டதாக சுமார் 1000 பேர் மீது வழக்குப்பதிவு செய்யப்பட்டுள்ளது. ஒரு சமூகத்தினர் பற்றிய அவதூறு வாட்ஸ்அப் ஆடியோவால் பொன்னமராவதியில் கலவரம் ஏற்பட்டது. அவதூறு வாட்ஸ்அப் ஆடியோ வெளியிட்டவர்கள் மீது நடவடிக்கை எடுக்கக்கோரி நேற்று போராட்டம் நடந்தது. போராட்டத்தின்போது பொன்னமராவதி காவல்நிலையம், போலீஸ் வாகனங்களும் தாக்கப்பட்டன.
Dinakaran , Apr 19, 2019
புதுக்கோட்டை மாவட்டம் பொன்னமராவதியில் கலவரத்தில் ஈடுபட்டதாக 1000 பேர் மீது வழக்குப்பதிவு
புதுக்கோட்டை : புதுக்கோட்டை மாவட்டம் பொன்னமராவதி மோதல் தொடர்பாக 1000 பேர் மீது வழக்குப்பதிவு செய்யப்பட்டுள்ளது. பொதுச் சொத்துக்களுக்கு சேதம் விளைவித்ததாக போலீசார் இந்த நடவடிக்கையை மேற்கொண்டுள்ளனர். வீடியோ ஆதாரத்தின் அடிப்படையில் போராட்டக்காரர்கள் மீது பொன்னமராவதி போலீஸ் வழக்குப்பதிந்தது. வாட்ஸ்அப்பில் வெளியான ஆடியோ விவகாரம் தொடர்பாக இருதரப்பினர் இடையே மோதல் வெடித்தது. ஒரு சமூகத்தினர் பற்றிய அவதூறு வாட்ஸ்அப் ஆடியோவால் பொன்னமராவதியில் கலவரம் ஏற்பட்டது. அவதூறு வாட்ஸ்அப் ஆடியோ வெளியிட்டவர்கள் மீது நடவடிக்கை எடுக்கக்கோரி நேற்று போராட்டம் நடந்தது. போராட்டத்தின்போது பொன்னமராவதி காவல்நிலையம், போலீஸ் வாகனங்களும் தாக்கப்பட்டன.
Dinakaran , Apr 19, 2019
குடியரசு தின விழாவில் ராணுவ மரியாதையை ஏற்கிறார் ஆளுநர் பன்வாரிலால் புரோஹித்
சென்னை : நாடு முழுவதும் இன்று குடியரசு தின விழா கொண்டாடப்படுகிறது. சென்னை காமராஜர் சாலையில் ஆளுநர் பன்வாரிலால் கொடி ஏற்றினார். ஆளுநர் பன்வாரிலால் புரோஹித் கொடி ஏற்றியபோது ஹெலிகாப்டரில் இருந்து மலர் தூவப்பட்டது. முதல்வர் பழனிசாமி, தலைமை செயலாளர் கிரிஜா, துணை முதல்வர் ஓ.பன்னீர் செல்வம் மற்றும் அமைச்சர்கள் உடன் உள்ளனர். இதனை தொடர்ந்து குடியரசு தின விழா நிகழ்ச்சிகள் நடைபெற்றது. முப்படை வீரர்களின் கண்கவர் அணிவகுப்பு கோலாகலமாக நடைபெற்றது. ஆளுநர் பன்வாரிலாலுக்கு ராணுவ அணிவகுப்பு மரியாதை வழங்கப்பட்டது. இதனை தொடர்ந்து குடியரசு தின விழா விருதுகளை முதல்வர் பழனிசாமி வழங்கினார். குடியரசு தின விழாவையொட்டி மெரினா கடற்கரை முழுவதும பாதுகாப்பு தீவிரப்படுத்தப்பட்டு உள்ளது. நேற்றிரவு முதல் இன்று நிகழ்ச்சி முடியும் வரை மெரினா கடற்கரை மற்றும் சுற்றுவட்டார பகுதிகளில் சுமார் 5,000 போலீசார் பாதுகாப்பு பணியில் ஈடுபட்டுள்ளனர் சென்னை முழுவதும், 15 ஆயிரம் போலீசாரும், தமிழகம் முழுவதும் ஒரு லட்சம் போலீசாரும் பாதுகாப்பு பணியில் ஈடுபடுகின்றனர். முக்கிய ரயில் நிலையங்கள், விமான நிலையங்களில், மூன்றடுக்கு போலீஸ் பாதுகாப்பு போடப்பட்டுள்ளது. அசம்பாவிதங்களை தடுக்க மக்கள் கூடும் இடங்களில் கூடுதல் போலீஸ் பாதுகாப்பு போடப்பட்டு உள்ளது. 2019ம் ஆண்டின் வீர, தீர செயலுக்கான அண்ணா பதக்கம் சென்னையை சேர்ந்த சூர்யகுமார், தேனி மாவட்டத்தை சேர்ந்த ரஞ்சித்குமார், தஞ்சையை சேர்ந்த ஸ்ரீதர் ஆகியோருக்கு வழங்கப்படுகிறது. வேளாண் துறை சிறப்பு விருது புதுக்கோட்டை மாவட்டம் தெற்கு செட்டியாப்பட்டி கிராமத்தை சேர்ந்த விவசாயி சேவியருக்கு வழங்கப்படுகிறது. மேலும் அவருக்கு ரூ.5 லட்சத்திற்கான காசோலை மற்றும் பதக்கம் வழங்கப்படுகிறது. அண்ணா பதக்கம் பெறும் 3 பேருக்கும், ரூ.1 லட்ச ரூபாய்க்கான காசோலை மற்றும் தங்க முலாம் பூசிய பதக்கம் மற்றும் சான்றிதழை விழாவில் முதல்வர் பழனிசாமி வழங்கினார்.
Dinakaran , Jan 25, 2019
இனி வரும் அனைத்து ஜல்லிக்கட்டு போட்டிகளிலும் வீரர்களுக்கு இன்சூரன்ஸ் செய்யப்படும் : அமைச்சர் விஜயபாஸ்கர்
Dinakaran , Jan 13, 2019
தச்சங்குறிச்சியில் நடந்து வரும் ஜல்லிக்கட்டு போட்டியில் 4 மாடுபிடி வீரர்களுக்கு காயம்
Dinakaran , Jan 13, 2019
அமைச்சர் பேட்டி துரித உணவால் நோய்கள் ஏற்படுகிறது
புதுக்கோட்டை: மாணவர்கள் உண்ணும் துரித உணவு பொருட்களால்தான் நோய்கள் அதிகம் ஏற்படுகிறது  என்று விஜயபாஸ்கர் கூறினார்.புதுகை மாவட்ட உணவு பாதுகாப்பு மற்றும் மருந்து நிர்வாகத்துறை சார்பில் உணவு கலப்பட பொருள் விழிப்புணர்வு முகாம் மற்றும் இலவச மருத்துவ முகாம் ஆகியவற்றை தமிழக சுகாதாரத்துறை அமைச்சர் விஜயபாஸ்கர்  தொடங்கி வைத்தார். பின்னர் அவர் அளித்த பேட்டி:தமிழகம் முழுவதும் உணவு பாதுகாப்பு மற்றும் மருந்து நிர்வாகத்துறை சார்பில் உணவுகளில் ஏற்படும் கலப்படங்கள் குறித்து அவ்வப்போது ஆய்வு நடத்தப்பட்டு வருகிறது. தற்போது மாணவர்கள் உணவு பழக்கவழக்கங்களில்  மாற்றங்களை கொண்டு வந்துள்ளனர். குறிப்பாக துரித உணவு பொருட்களால்தான் தொற்றா நோய்கள் அதிகம் ஏற்படுகிறது என்றார்.
Dinakaran , Jan 13, 2019
புதுகை மீனவர்கள் 4 பேர் சிறைபிடிப்பு
ராமேஸ்வரம்:  ராமேஸ்வரத்திலிருந்து நேற்று 600க்கும் மேற்பட்ட விசைப்படகுகளில் மீனவர்கள் மீன் பிடிக்க கடலுக்கு சென்றனர். ரோந்து பணியில் இருந்த இந்திய கடலோர காவல்படையினர், ஒரு படகை பிடித்து, மீன்துறை அதிகாரிகளிடம் ஒப்படைத்தனர். நடுக்கடலில் இந்திய கடல் எல்லை தாண்டி இலங்கை கடல் பகுதிக்குள் சென்றதாக, படகில் சென்ற  மீனவர்கள் மீது கடலோர காவல் படையினர் புகார் செய்துள்ளதால், இதுகுறித்து அதிகாரிகள் விசாரித்து வருகின்றனர்.புதுக்கோட்டை மாவட்டம், ஜெகதாபட்டினத்தில் இருந்து நேற்று காலை படகில் மீன் பிடிக்க சென்ற மீனவர்கள், பகல் 12 மணியளவில் மீன்பிடித்து கொண்டிருந்தபோது ரோந்து வந்த இலங்கை கடற்படையினர், படகு ஒன்றை  சிறைப்பிடித்து அதில் இருந்த மீனவர்கள் சதீஷ், அஜித், தருமன், ராமன் ஆகிய 4 பேரையும் கைது செய்து, காங்கேசன்துறை கடற்படை முகாமுக்கு அழைத்து சென்று விசாரணை செய்து வருகின்றனர்.
Dinakaran , Jan 7, 2019