New about Tirupur, Tamilnadu

Tamil news from around the world!

மகள் பலாத்காரம் ஆட்டோ டிரைவருக்கு ஆயுள் தண்டனை
திருப்பூர்: திருப்பூர்,   கருவம்பாளையம் பகுதியை சேர்ந்தவர் பாலசுப்பிரமணி (52). ஆட்டோ டிரைவர்.  இவரது மனைவி இறந்து விட்டார். 2 மகன்களும்,  12 வயது  மகளும் உள்ளனர். அவர்களை  அலகுமலையில் உள்ள விடுதியில் தங்கி படிக்க வைத்துள்ளார்.  கடந்த 9.2.2014ல் கோயில் திருவிழா என அழைத்து வந்து, 11.2.2014 அன்று மீண்டும்   விடுதிக்கு அனுப்பியுள்ளார். அவரது 12 வயது மகள் விடுதி   காப்பாளரிடம் ஆட்டோவில் வைத்து தந்தை பலாத்காரம் செய்ததாக கூறியுள்ளார். புகாரின்படி திருப்பூர்  வடக்கு மகளிர் போலீசார் வழக்கு பதிவு செய்தனர். வழக்கை மகளிர் நீதிமன்ற நீதிபதி ஜெயந்தி விசாரித்து பாலசுப்பிரமணிக்கு ஆயுள் தண்டனை விதித்து  தீர்ப்பளித்தார்.
Dinakaran , May 13, 2019
தமிழகத்தில் மக்களவை தேர்தலில் காலை 11 மணி நிலவரப்படி 30.62 சதவீதம் வாக்குகள் பதிவு
சென்னை: தமிழகத்தில் மக்களவை தேர்தலில் காலை 11 மணி நிலவரப்படி 30.62 சதவீதம் வாக்குகள் பதிவாகியுள்ளது. அதிகபட்சமாக ஆரணி தொகுதியில் 36 சதவீதம் வாக்குகள் பதிவாகியுள்ளது. குறைந்தபட்சமாக மத்திய சென்னையில் 22.82% வாக்குகள் பதிவாகியுள்ளது. பழுதான 305 வாக்கு இயந்திரங்கள் மாற்றப்பட்டுள்ளன. 525 விவிபாட் இயந்திரங்கள் மாற்றப்பட்டுள்ளன என்று சத்யபிரத சாகு தெரிவித்துள்ளார். கர்நாடகாவில் 14 மக்களவை தொகுதிகளுக்கு நடைபெற்று வரும் தேர்தலில் 19.78 சதவீதம் வாக்குகள் பதிவாகியுள்ளது. புதுச்சேரியில் 20.71% வாக்குகள் பதிவாகியுள்ளது.ராமநாதபுரம் நாடாளுமன்ற தொகுதியில் காலை 11 மணி நிலவரப்படி 19.67% வாக்குகள் பதிவாகியுள்ளது. நாகை நாடாளுமன்ற தொகுதியில் காலை 11 மணி நிலவரப்படி 23.81% வாக்குகள் பதிவாகியுள்ளது. கடலூர் நாடாளுமன்ற தொகுதியில் 20% வாக்குகள் பதிவாகியுள்ளது. கோவை நாடாளுமன்ற தொகுதியில் 17.34%, பொள்ளாச்சி நாடாளுமன்ற தொகுதியில் 20.60%, திருப்பூர் நாடாளுமன்ற தொகுதியில் 30.6%, மயிலாடுதுறை மக்களவை தொகுதியில் 17.5% வாக்குகள் பதிவாகியுள்ளன.
Dinakaran , Apr 18, 2019
பணம் பட்டுவாடா செய்ததாக புகார்..: திருப்பூரில் அமமுக, காஞ்சிபுரத்தில் அதிமுக நிர்வாகிகள் கைது
Dinakaran , Apr 17, 2019
கழிவுநீர் தொட்டியில் விஷவாயு தாக்கி தொழிலாளர்கள் 4 பேர் பலி
திருப்பூர்: கோவை மாவட்டம் மேட்டுப்பாளையத்தை சேர்ந்தவர் ஜெயக்குமார் (45). இவர் திருப்பூர் மாவட்டம் கருப்பகவுண்டம்பாளையம் பகுதியில் சாய ஆலை நடத்தி வருகிறார். இந்த ஆலையில் கழிவுநீரை சேகரிக்க 20 அடி ஆழமுள்ள 4 தொட்டி உள்ளது. இந்த தொட்டிகளை நேற்று 10 தொழிலாளர்கள் சுத்தம் செய்து கொண்டிருந்தனர். ஒரு தொட்டியில் அசாமை சேர்ந்த தில்வார் உசேன் (22) சுத்தம் செய்ய இறங்கினார். அப்போது விஷவாயு தாக்கி மயங்கி விழுந்தார். அவரை காப்பற்ற பாரூக் அகமது(21), தில்வார் உசேனின் சகோதரர் அன்வர் உசேன்(23), அபு(20) ஆகியோர் தொட்டியில் இறங்கியபோது அவர்களும் விஷவாயு தாக்கி மயங்கினர். தகவல் அறிந்து வீரபாண்டி போலீசார் வந்து பார்த்தபோது, 4 பேரும் இறந்து கிடந்தனர்.
Dinakaran , Apr 14, 2019
இந்திய கம்யூனிஸ்ட் கட்சியின் மக்களவை தொகுதி வேட்பாளர்கள் ஸ்டாலினுடன் சந்திப்பு
சென்னை : இந்திய கம்யூனிஸ்ட் கட்சியின் மக்களவை தொகுதி வேட்பாளர்கள் செல்வராஜ் மற்றும் திருப்பூர் சுப்புராயன் ஆகியோர் திமுக தலைவர் ஸ்டாலினுடன் சந்திப்பு மேற்கொண்டுள்ளனர். வேட்பாளர்களாக அறிவிக்கப்பட்ட நிலையில் கூட்டணி கட்சித் தலைவர்கள் மு.க.ஸ்டாலினை மரியாதை நிமித்தமாக சந்தித்துள்ளனர்.  இந்திய கம்யூனிஸ்ட் கட்சிக்கு நாகை மற்றும் திருப்பூர் ஆகிய  2 நாடாளுமன்ற தொகுதிகள் ஒதுக்கப்பட்டது. நாகை தொகுதிக்கு முன்னாள் எம்பி செல்வராசு (62) மற்றும் திருப்பூர் தொகுதிக்கு முன்னாள் எம்பி சுப்பராயன் (72) ஆகியோரை வேட்பாளர்களாக இந்திய கம்யூனிஸ்ட் கட்சியின் மாநில நிர்வாக குழு நேற்று அறிவித்தது.
Dinakaran , Mar 16, 2019
மக்களவைத் தேர்தல் 2019 : இந்திய கம்யூனிஸ்ட் கட்சி நாகை, திருப்பூர் தொகுதிகளில் போட்டி
சென்னை : மக்களவைத் தேர்தலில் இந்திய கம்யூனிஸ்ட் கட்சி நாகை, திருப்பூர் தொகுதிகளில் போட்டியிட உள்ளது. காங்கிரஸ் போட்டி மக்களவைத் தேர்தலில் திமுக மற்றும் கூட்டணி கட்சிகள் போட்டியிடும் தொகுதிகளின் பட்டியலை திமுக தலைவர் ஸ்டாலின் அறிவித்தார். திமுக கூட்டணியில் காங்கிரஸ் - 10,மதிமுக - 2, இந்திய கம்யூனிஸ்ட்-2, மார்க்சிஸ்ட் கம்யூனிஸ்ட் - 2, விடுதலை சிறுத்தைகள்- 2, கொங்குநாடு மக்கள் தேசிய கட்சி- 1, இந்திய யூனியன் முஸ்லீம் லீக்- 1 ஆகிய கட்சிகளுடன் தொகுதி பங்கீடு எட்டப்பட்டுள்ளது. தொகுதிகள் ஒதுக்கப்படா விட்டாலும், மனிதநேய மக்கள் கட்சி, மனிதநேய ஜனநாயக கட்சி மற்றும் பல்வேறு விவசாய சங்கங்களும் திமுக கூட்டணிக்கு ஆதரவு தெரிவித்துள்ளன.
Dinakaran , Mar 15, 2019