மணல் கொள்ளையை தடுக்க மணல் விற்பனைக்கு தமிழ்நாடு மணல் கழகம் தொடங்கக் கோரிய வழக்கு
மதுரை : மணல் கொள்ளையை தடுக்க டாஸ்மாக் போன்று, மணல் விற்பனைக்கு தமிழ்நாடு மணல் கழகம் தொடங்கக் கோரிய வழக்கில் மனுதாரர் தரப்பில் கூடுதல் மனு தாக்கல் செய்ய உயர்நீதிமன்ற மதுரை கிளை உத்தரவு பிறப்பித்துள்ளது. இந்திய கம்யூனிஸ்ட் மாநில செயலாளர் முத்தரசன் தொடர்ந்த வழக்கில் உயர்நீதிமன்ற கிளை உத்தரவிட்டுள்ளது.
Dinakaran , Dec 7, 2022
காளையர் கோவில் மதுபானக் கடையை மூடகோரிய வழக்கில் சிவகங்கை ஆட்சியருக்கு ஐகோர்ட் கிளை ஆணை
மதுரை: காளையர் கோவில் மதுபானக் கடையை மூடகோரிய வழக்கில் சிவகங்கை ஆட்சியருக்கு ஐகோர்ட் கிளை ஆணையிட்டுள்ளது. மதுபானக் கடையை மூடுவது அல்லது வேறு இடத்திற்கு மாற்றுவது குறித்து உரிய நடவடிக்கை எடுக்க உத்தரவு அளிக்கப்பட்டது. சட்டத்திற்கு உட்பட்டு 2 வாரத்தில் நடவடிக்கை எடுக்க ஆட்சியர் டாஸ்மாக் மேலாளருக்கு ஐகோர்ட் கிளை ஆணையிட்டுள்ளது.
Dinakaran , Dec 6, 2022
தீபத் திருவிழாவை ஒட்டி பக்தர்களின் வசதிக்காக டிச. 6,7 தேதிகளில் மதுரை-திருவண்ணாமலை ரயில் இயக்கம்
திருவண்ணாமலை: தீபத் திருவிழாவை ஒட்டி பக்தர்களின் வசதிக்காக டிச. 6,7 தேதிகளில் மதுரையில் இருந்து திருவண்ணாமலைக்கு ரயில் இயக்கப்படும். மதுரையிலிருந்து விழுப்புரம் வரை இயக்கப்படும் விரைவு ரயில் (16868) திருவண்ணாமலை வரை நீட்டிக்கப்படும் என்று தெரிவிக்கப்பட்டுள்ளது.
Dinakaran , Dec 5, 2022
தமிழ்நாட்டில் 16 மாவட்டங்களில் கனமழை பெய்ய வாய்ப்பு: வானிலை ஆய்வு மையம் தகவல்
சென்னை: தென்கிழக்கு வங்கக்கடல் மற்றும் அதனை ஒட்டிய தெற்கு அந்தமான் பகுதிகளில் காற்றழுத்த தாழ்வு பகுதி நிலவுதால் தமிழ்நாட்டில் 16 மாவட்டங்களில் இன்று கனமழை பெய்ய வாய்ப்புயுள்ளது என்று வானிலை ஆய்வு மையம் தகவல் தெரிவித்துள்ளது. மயிலாடுதுறை, தஞ்சை, திருவாரூர், நாகை, புதுக்கோட்டை, சிவகங்கை, ராமநாதபுரம், மதுரை, தேனி, திண்டுக்கல், திருப்பூர், தென்காசி, தூத்துக்குடி, நெல்லை, குமரி, காரைக்கால் ஆகிய மாவட்டங்களில் இன்று கனமழை பெய்யக்கூடும் என்று தெரிவித்துள்ளனர்.
Dinakaran , Dec 4, 2022
மதுரை வருவாய் கோட்டாச்சியரின் நேர்முக உதவியாளர் பணியிடை நீக்கம்: மாவட்ட ஆட்சியர் உத்தரவு
மதுரை: மதுரை வருவாய் கோட்டாச்சியரின் நேர்முக உதவியாளர் (வட்டாச்சியர்) செல்வராஜ் பணியிடை நீக்கம் செய்துள்ளனர். அதிகார வரம்புக்கு மீறி செய்யப்பட்டதாக செலவராஜை பணியிடை நீக்கம் செய்து மாவட்ட ஆட்சியர் அனிஷ் சேகர் உத்தரவு பிறப்பித்துள்ளார்.
Dinakaran , Dec 3, 2022
எம்பிசி பட்டியலில் நரிக்குறவர் பெயரிலுள்ள குறவர் என்ற பெயரை நீக்ககோரிய வழக்கில் ஐகோர்ட் கிளை ஆணை
மதுரை: எம்பிசி பட்டியலில் நரிக்குறவர் பெயரிலுள்ள குறவர் என்ற பெயரை நீக்ககோரிய வழக்கில் ஐகோர்ட் ஆணையிட்டுள்ளது. முத்துமுருகன் என்பவர் தொடர்ந்த வழக்கில் ஒன்றிய, மாநில அரசுகள் பதிலளிக்க உயர்நீதிமன்ற கிளை உத்தரவு பிறப்பித்துள்ளது. தமிழகத்தை பூர்விகமாக கொண்ட குறவர் சமூகத்தினர் எஸ்சி/எஸ்டி பட்டியலில் உள்ளனர் என்று மனுவில் குறிப்பிட்டுள்ளார்.
Dinakaran , Dec 3, 2022
சென்னை: தமிழகத்தில் அடுத்த 3 மணி நேரத்தில் 29 மாவட்டங்களில் இடி, மின்னலுடன் மழைக்கு வாய்ப்புள்ளது என்று வானிலை ஆய்வு மையம் தகவல் தெரிவித்துள்ளது. கன்னியாகுமரி, நெல்லை, தென்காசி, மதுரை, சிவகங்கை, விருதுநகர், ராமநாதபுரம், தேனி, திண்டுக்கல்லில் மழைக்கு வாய்ப்புள்ளது என்று கூறியுள்ளனர். கடலூர், திருச்சி, பெரம்பலூர், அரியலூர், மயிலாடுதுறை, நாகை, தஞ்சை, திருவாரூர், புதுக்கோட்டை, கள்ளக்குறிச்சி, சேலம், தருமபுரி, நாமக்கல், கரூர், ராணிப்பேட்டை, திருவண்ணாமலை ஆகிய மாவட்டங்களில் இடி மின்னலுடன் மழை பெய்யும் என்று வானிலை மையம் அறிவித்துள்ளது. தாமிரபரணி ஆற்றின் பெயரை பொருநை நதி என பெயர் மாற்றம் செய்யக்கோரிய வழக்கு
மதுரை : தாமிரபரணி ஆற்றின் பெயரை பொருநை நதி என பெயர் மாற்றம் செய்யக்கோரிய வழக்கில் 12 வாரங்களுக்குள் மனுவை பரிசீலித்து நடவடிக்கை எடுக்க உயர்நீதிமன்ற மதுரைகிளை உத்தரவிட்டுள்ளது. அரசுக்கு உயர்நீதிமன்ற மதுரைக்கிளை நீதிபதிகள் மகாதேவன், சத்திய நாராயண பிரசாத் அமர்வு ஆணை பிறப்பித்துள்ளது.
Dinakaran , Dec 2, 2022
மதுரை: தமிழகத்தின் அனைத்து சிறைகளிலும் நூலகத்திற்கான உள்கட்டமைப்பு வசதிகளை ஏற்படுத்தக்கோரிய வழக்கு குறித்து தமிழக உள்துறை செயலாளர் பதிலளிக்க உயர்நீதிமன்ற மதுரை கிளை உத்தரவிட்டுள்ளது. மதுரையை சேர்ந்த சகா என்பவர் தொடர்ந்த வழக்கில் நீதிபதிகள் மகாதேவன், சத்யநாராயண பிரசாத் அமர்வு ஆணையிட்டது. பல நேரங்களில் சிறைவாசிகளின் உளவியல் சிக்கல்களுக்கு தீர்வாக நூலகங்கள் உதவும் என நீதிபதிகள் தெரிவித்தனர். 
மதுரை: செயற்கை அருவிகளை தடுக்க கோரிய வழக்கில் முறைகேட்டில் ஈடுபட்ட நபர்கள் மீது எடுத்த நடவடிக்கை குறித்து அறிக்கை தாக்கல் செய்ய உயர்நீதிமன்ற மதுரை கிளை உத்தரவிட்டுள்ளது. தனியார் ரிசார்ட்டுகளில் செயற்கை அருவிகள் குறித்து ஆய்வு செய்ய சுற்றுலாத்துறை இயக்குநர், நில நிர்வாக ஆணையர் உள்பட 10 பேர் குழு அமைக்கப்பட்டுள்ளதாக தமிழக அரசு தெரிவித்துள்ளது. நீதிமன்ற ஆணையை உடனே செயல்படுத்தி கண்காணிப்பு குழு அமைத்த தமழ்நாடு அரசின் செயல்பாடு பாராட்டத்தக்கது என நீதிபதிகள் கூறியுள்ளனர். பொங்கல் பரிசுத் தொகுப்பு: தமிழக அரசு பதலளிக்க உயர்நீதிமன்ற கிளை உத்தரவு
மதுரை: பொங்கல் பரிசுத் தொகுப்பு தொடர்பான வழக்கில் தமிழக அரசு பதலளிக்க உயர்நீதிமன்ற கிளை உத்தரவிட்டது. பரிசுத்தொகுப்பில் வழங்கக்கூடிய பொருட்களில் தமிழகத்தில் விளையும் பொருட்களை கொள்முதல் செய்யப்படுமா? தமிழக விவசாயிகளிடம் இருந்து விளைபொருட்களை கொள்முதல் செய்ய அரசு முடிவெடுத்துள்ளதா? எனவும் நீதிமன்றம் கேள்வி எழுப்பியுள்ளது.
Dinakaran , Dec 1, 2022
மதுரை: பணி முடிக்காமல் நிதி மோசடியில் ஈடுபட்ட 12 அரசு ஒப்பந்ததாரர்கள் மீது நடவடிக்கை எடுக்க மாவட்ட ஆட்சியர் பரிந்துரை வழங்கியுள்ளார். தணிக்கையில் ஆழ்துளை கிணறு அமைத்ததாக கூறி பண மோசடியில் ஈடுபட்ட 12 ஒப்பந்ததாரர்கள் மீது சமூக ஆர்வலர் அசாருதீன் ஆதாரத்துடன் புகார் அளித்தார். வாகனங்களை பராமரிக்க கோரிய வழக்கில் தமிழக அரசு பதிலளிக்க ஆணை
மதுரை : பொதுப்பணித்துறையில் லாரிகள் உள்ளிட்ட வாகனங்களை பராமரிக்க கோரிய வழக்கில் தமிழக அரசு பதிலளிக்க ஆணை பிறப்பித்துள்ளது. வழக்கு தொடர்பாக முறையான அறிக்கை தாக்கல் செய்ய தமிழக அரசுக்கு உயர்நீதிமன்ற மதுரை கிளை உத்தரவிட்டுள்ளது.
Dinakaran , Nov 29, 2022
தொலைதூர பயணிகள் திருவண்ணாமலைக்கு சிறப்பு பேருந்து இயக்கம்: அமைச்சர் எஸ்.எஸ். சிவசங்கரன் தகவல்
திருவண்ணாமலை: கார்த்திகை தீப திருநாளை முன்னிட்டு தொலைதூர பயணிகள் திருவண்ணாமலைக்கு சென்று வர ஏதுவாக நாகர்கோவில், திருநெல்வேலி, தூத்துக்குடி, செங்கோட்டை, மதுரை மற்றும் கோயம்புத்தூர் ஆகிய ஊர்களிலிருந்து அரசு விரைவுப் போக்குவரத்துக் கழகம் மூலம் சொகுசு பேருந்துகள், இருக்கை மற்றும் படுக்கை வசதி கொண்ட குளிர்சாதன பேருந்துகள் 05/12/2022 மற்றும் 06/12/2022 ஆகிய நாட்களில் இயக்கப்படும் என போக்குவரத்துத்துறை அமைச்சர் எஸ்.எஸ். சிவசங்கரன் தகவல். சிறப்பு பேருந்துகளுக்கு www.tnstc.in , மற்றும் tnstc official app, ஆகிய இணையதளங்களின் மூலமாக இருபுறமும் முன்பதிவு செய்து பயணிக்கலாம்
Dinakaran , Nov 29, 2022
18 வயதிற்கு கீழ் உள்ளவர்கள் ஆன்லைனில் சூதாட பெற்றோர்கள் காரணம்: உயர்நீதிமன்ற கிளை நீதிபதிகள் கருத்து
மதுரை: 18 வயதிற்குகீழ் உள்ளவர்கள் ஆன்லைனில் சூதாட பெற்றோர்கள் காரணம் என்று உயர்நீதிமன்ற கிளை நீதிபதிகள் கருத்து தெரிவித்துள்ளனர். அரசுக்கு உள்ளதை விட அதிக பொறுப்பு பெற்றோருக்கு உள்ளது. செல்போன் வாங்கிக்கொடுத்து விட்டு பிள்ளைகள் மீது பெற்றோர் அக்கறை காட்டுவதில்லை.18 வயதுக்கு கீழ் உள்ளவர்களுக்கு ஆன்லைன் லாட்டரி போன்ற விளையாட்டுகள் எப்படி தெரியும் என ஐகோர்ட் கிளை கேள்வி எழுப்பியியுள்ளது.
Dinakaran , Nov 28, 2022
மதுரை: மதுவிற்பனை நேரத்தை பிற்பகல் 2 மணி முதல் இரவு 8 மணி வரை என மாற்ற ஏன் பரிசீலினை செய்யக்கூடாது என்று ஐகோர்ட் கிளை கேள்வி எழுப்பியுள்ளது. தமிழ்நாடுதான் பிற மாநிலங்களை விட மது விற்பனையில் முன்னிலையில் உள்ளது என்று உயர்நீதிமன்ற மதுரை கிளை கூறியுள்ளது. கோகுல்ராஜ் கொலை வழக்கில் சுவாதியை புதன்கிழமை மீண்டும் ஆஜர்படுத்த உயர்நீதிமன்ற கிளை உத்தரவு
மதுரை : நீதிமன்றம் விளையாட்டு மைதானமா என உயர்நீதிமன்ற கிளை நீதிபதிகள் கேள்வி எழுப்பியுள்ளார். கோகுல்ராஜ் கொலை வழக்கில் பிறழ் சாட்சியாக மாறிய சுவாதியை புதன்கிழமை மீண்டும் ஆஜர்படுத்த உயர்நீதிமன்ற கிளை உத்தரவிட்டுள்ளது. கடைசி வாய்ப்பாக புதன்கிழமை வழக்கு ஒத்திவைக்கப்படுகிறது, அன்று ஒரு வாய்ப்பு தருகிறோம் என நீதிபதிகள் தெரிவித்துள்ளனர்.
Dinakaran , Nov 25, 2022
மதுரை : நீதிமன்றம் உங்களிடம் இருந்து உண்மையை மட்டுமே எதிர்பார்க்கிறது: சுவாதிக்கு ஐகோர்ட் கிளை நீதிபதி கேள்வி எழுப்பியுள்ளார். உண்மையை சொல்வதால் பிரச்சனை உள்ளதா, அதையும் சொல்ல மறுப்பது ஏன் என நீதிபதி சரமாரியாக கேள்வி எழுப்பினார்.கோகுல்ராஜ் கொலை வழக்கில் பிறழ் சாட்சியாக மாறிய சுவாதியை நாளை ஆஜர்படுத்த உயர்நீதிமன்ற கிளை உத்தரவு
மதுரை: கோகுல்ராஜ் கொலை வழக்கில் பிறழ் சாட்சியாக மாறிய சுவாதியை நாளை ஆஜர்படுத்த உயர்நீதிமன்ற கிளை உத்தரவு பிறப்பித்துள்ளது. கோகுல்ராஜ் கொலைக்கு முன்பாக சுவாதியுடன் நட்பில் இருந்ததுதான் வழக்கில் முக்கியமாக கருதப்படுகிறது. போதிய பாதுகாப்பை சுவாதிக்கும் அவரது குடும்பத்தினருக்கும் வழங்க வேண்டும் என நீதிமன்றம் உத்தரவிட்டுள்ளது.
Dinakaran , Nov 24, 2022
மதுரை: அரசு மருத்துவமனைகளில் 4D ECHO வசதி ஏற்படுத்த கோரிய வழக்கில் மருத்துவமனை முதல்வர்கள் பதிலளிக்க ஐகோர்ட் கிளை உத்தரவிட்டுள்ளது. மதுரை, திருச்சி, தஞ்சை, நெல்லை அரசு மருத்துவமனைகளில் 4D ECHO CARTOGRAPHY வசதி ஏற்படுத்த கோரி வழக்கு தொடரப்பட்டிருந்தது. மதுரையை சேர்ந்த வெரோணிகாமேரி அவரது கணவருக்கு ஏற்பட்ட நெஞ்சுவலி தொடர்பாக ஐகோர்ட் கிளையில் வழக்கு தொடரப்பட்டது. சுகாதாரத்துறை செயலாளர், மதுரை ராஜாஜி மருத்துவமனை முதல்வர் பதிலளிக்க ஐகோர்ட் கிளை நீதிபதிகள் உத்தரவிட்டனர். 
மதுரை: சாத்தான்குளம் தந்தை, மகன் கொலை வழக்கில் கீழமை நீதிமன்றம் பிறப்பித்த உத்தரவை ஐகோர்ட் கிளை ரத்து செய்தது. ஆய்வாளர் ஸ்ரீதர் உள்பட 9 பேர் மீது கூட்டுச்சதி உள்ளிட்ட பிரிவின் கீழ் வழக்குப்பதிவு செய்யக் கோரிய சிபிஐ அமைப்பின் மனுவை, தள்ளுபடி செய்து கீழமை நீதிமன்றம் பிறப்பித்த உத்தரவை, உயர் நீதிமன்ற மதுரைக்கிளை ரத்து செய்தது.
மதுரை: ராமநாதபுரம் மாவட்டம் செட்டியமடை தேசிய நெடுஞ்சாலையில் உள்ள டாஸ்மாக் மதுபான கடையை மூட ஐகோர்ட் மதுரைக்கிளை உத்தரவிட்டுள்ளது. ராமநாதபுரம் மாவட்டம் செட்டியமடையைச் சேர்ந்த கண்ணன் என்பவர் தொடர்ந்த வழக்கில் ஐகோர்ட் மதுரைக்கிளை உத்தரவிட்டது. மதுபானக் கடையை சுற்றி கோயில்கள், கல்வி நிறுவனங்கள் இருந்ததால் நீதிமன்ற உத்தரவின்படி கடை இடமாற்றப்பட்டது. நீதிமன்ற உத்தரவை மீறி மீண்டும் அதே இடத்தில் மதுபான கடையை டாஸ்மாக் நிர்வாகம் திறந்துள்ளது என மனுவில் தெரிவிக்கப்பட்டிருந்தது.
மதுரை : திண்டுக்கல்லில் தனியார் பள்ளியின் 3-வது மாடியில் இருந்து மாணவி கீழே விழுந்த சம்பவத்தில் பள்ளிக்கு நோட்டீஸ் அனுப்பப்பட்டுள்ளது. பள்ளி நிர்வாகம், பள்ளிக்கல்வித்துறை செயலர், டிஜிபி ஆகியோர் விரிவான பதிலளிக்க உயர்நீதிமன்ற கிளை உத்தரவு பிறப்பித்துள்ளது. மாணவிக்கு தொடர்ந்து சிறப்பான சிகிச்சை அளிக்கப்பட்டு வருவதாக அரசு தரப்பில் நீதிமன்றத்தில் பதிலளிக்கப்பட்டது. மதுரையில் பெண்கள் கல்லூரியில் நுழைந்து ரகளை செய்த 4 பேர் மீது குண்டர் சட்டம் பாய்ந்தது..!!
மதுரை: மதுரையில் கடந்த 30ம் தேதி பெண்கள் கல்லூரியில் நுழைந்து ரகளை செய்த 10 பேரில் 4 பேர் மீது குண்டர் சட்டம் பாய்ந்தது. சூர்யா, அருண், மது நவீஸ், அருண்பாண்டியன் ஆகிய 4 பேரும் குண்டர் தடுப்புச் சட்டத்தில் கைது செய்யப்பட்டனர்.
Dinakaran , Nov 22, 2022
தமிழ்நாட்டில் 3,734 பாசனக் குளங்கள் முழு கொள்ளளவை எட்டி 100 சதவீதம் நிரம்பியுள்ளது.
சென்னை: தமிழ்நாட்டில் 3,734 பாசனக் குளங்கள் முழு கொள்ளளவை எட்டி 100 சதவீதம் நிரம்பியுள்ளது. தமிழ்நாட்டில் அதிகபட்சமாக மதுரை மாவட்டத்தில் 1,340 பாசனக் குளங்களில் 973 குளங்கள் நிரப்பியது. தஞ்சை மாவட்டத்தில் 641 பாசனக்குளங்களில் 326 குளங்கள் முழுமையாக நிரம்பியது. செங்கல்பட்டு மாவட்டத்தில் 564 பாசானக் குளங்களில் 212 குளங்கள் நிரம்பியுள்ளது . சிவகங்கை 276, திருவண்ணாமலை 265, புதுக்கோட்டை 172, ராணிப்பேட்டை 152, திருவள்ளூர் 158 குளங்கள் நிரம்பியுள்ளது. காஞ்சி 101, விழுப்புரம் 111 கிருஷ்ணகிரி 73, தென்காசி 126, அரியலூர் 18, ஈரோடு 14 குமாரி 45 குளங்கள் நிரம்பியது.
Dinakaran , Nov 21, 2022
மதுரை: மதுரை மாநகராட்சி பூங்காக்களில் அடிப்படை வசதிகள், கட்டமைப்புகள் ஏற்படுத்தியது குறித்து அறிக்கை தர ஐகோர்ட் கிளை உத்தரவு அளித்துள்ளது. மதுரை மாநகராட்சி பகுதியில் உள்ள பூங்காக்களில் அடிப்படை வசதி செய்து தரக்கோரி ஆறுமுகம் என்பவர் மனு அளித்துள்ளார். மதுரை நகர் பகுதியில் சுற்றுசூழலை பாதுகாக்க பூங்காக்கள் அமைக்கப்பட வேண்டும். அனைத்து பூங்காக்களிலும் அடிப்படை வசதிகள் கட்டமைப்புகள் ஏற்படுத்த உத்தரவிட்டு வழக்கு முடித்து வைக்கப்பட்டுள்ளது. 
மதுரை: கால்பந்து வீராங்கனை பிரியா மரணம் வழக்கில் மருத்துவர்கள் மீது பதியப்பட்ட வழக்குப்பிரிவை மாற்ற வேண்டும். மருத்துவர்கள் கைது செய்யப்பட்டால் அரசு மருத்துவர்கள் சங்கம் தீவிர போராட்டத்தில் ஈடுபடுவோம் என்று தெரிவித்துள்ளனர். மதுரையில் அரசு மருத்துவர்கள் சங்க மாநிலத்தலைவர் செந்தில் எச்சரிக்கை விடுத்துள்ளார். குழந்தைகள் தந்தையிடம் இருப்பது சட்டவிரோதம் ஆகாது: ஐகோர்ட் கிளை கருத்து
மதுரை: தனது 2 குழந்தைகளை மீட்டு தன்னிடம் ஒப்படைக்க கோரி மதுரையை சேர்ந்த துர்க்கை என்பவர் ஆட்கொணர்வு மனு தாக்கல் செய்த வழக்கில் குழந்தைகள் தந்தையிடம் இருப்பது சட்டவிரோதம் ஆகாது என உயர்நீதிமன்றம் மதுரைக்கிளை கருத்து தெரிவித்துள்ளது. குழந்தைகளை யார் வைத்திருப்பது என்பது தொடர்பாக இரு தரப்பினரிடமும் பேச்சுவார்த்தை நடத்தப்பட்டதாக போலீசார் நீதிமன்றத்தில் தெரிவித்தனர்.
Dinakaran , Nov 16, 2022
வனப்பகுதிகளுக்குள் சட்டவிரோத ரிசார்ட்டுகள்: ஐகோர்ட் கிளை அதிருப்தி
மதுரை: வனப்பகுதிகளுக்குள் சட்டவிரோத ரிசார்ட்டுகள் அமைக்கப்படுவது அதிகரித்து வருகிறது என உயர்நீதிமன்ற மதுரை கிளை நீதிபதிகள் தெரிவித்துள்ளனர். சட்டவிரோத ரிசார்ட்டுகள் மீது உரிய நடவடிக்கை எடுக்கவில்லை என நீதிபதிகள் அதிருப்தி தெரிவித்துள்ளனர். மேகமலையில் சட்டவிரோத ரிசார்ட்டுகளை அகற்ற தனி நீதிபதி உத்தரவிட்டத்தை ரத்து செய்யக்கோரிய வழக்கில் சம்மந்தப்பட்ட கட்டுமானத்தின் ஆவணங்களை ஆய்வு செய்து ரிசார்ட்டா? தொழிலாளர் குடியிருப்பா என ஆய்வு செய்ய வழக்கறிஞர் ஆணையரை நீதிமன்றம் நியமித்தது. தேனி வனத்துறை அலுவலருடன் இணைந்து வழக்கறிஞர் ஆணையர் ஆய்வு செய்து அறிக்கை அளிக்க உத்தரவிட்டனர். மேலும் வழக்கு தொடர்பாக தேனி ஆட்சியர், மாவட்ட வனத்துறை அலுவலர் பதிலளிக்கவும் நீதிபதிகள் உத்தரவிட்டனர்.
Dinakaran , Nov 16, 2022
மதுரை: விருதுநகர் அம்மச்சியாபுரத்தில் அனுமதியின்றி வைக்கப்பட்ட தியாகி இமானுவேல் சேகரன் சிலையை அகற்ற உத்தரவு பிறப்பிக்கப்பட்டுள்ளது. நவம்பர் 19க்குள் தியாகி இமானுவேல் சேகரன் சிலையை அகற்றி பாதுகாப்பாக வைக்க உயர்நீதிமன்ற கிளை உத்தரவிட்டது. தமிழக முதல்வர், விருதுநகர் ஆட்சியரிடம் அனுமதி பெற்ற பின் சிலையை வைக்கவும் நீதிபதி ஆணையிட்டுள்ளார்.
சென்னை: தமிழ்நாட்டில் 25 மாவட்டங்களில் அடுத்த 3 மணி நேரத்தில் இடி, மின்னலுடன் மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது. கடலூர், மயிலாடுதுறை, நாகை, திருவாரூர், தஞ்சை, பெரம்பலூர், அரியலூர், புதுக்கோட்டை, திருச்சி, சேலத்தில் மழைக்கு வாய்ப்பு இருக்கிறது. திருப்பத்தூர், நீலகிரி, திண்டுக்கல், மதுரை, சிவகங்கை, ராமநாதபுரம், தேனி, தென்காசி, நெல்லையிலும் மழை பெய்யக்கூடும் என வானிலை மையம் கூறியுள்ளது.
சென்னை: தமிழகத்தில் 22 மாவட்டங்களில் அடுத்த 2 மணி நேரத்திற்கு இடி, மின்னலுடன் கூடிய மழை பெய்யும் என வானிலை ஆய்வு மையம் தெரிவித்துள்ளது. சென்னை, திருவள்ளூர், காஞ்சி, திருவண்ணாமலை, செங்கல்பட்டு, விழுப்புரம், வேலூர், ராணிப்பேட்டை, நீலகிரி, கோவை, திருப்பூர், தேனி, திண்டுக்கல், ராமநாதபுரம், புதுக்கோட்டை, சிவகங்கை, மதுரை, விருதுநகர், கன்னியாகுமரி, நெல்லை, தென்காசி, தூத்துக்குடி ஆகிய மாவட்டங்களில் இடி, மின்னலுடன் கூடிய மிதமான மழை பெய்யும் என வானிலை மையம் தகவல் தெரிவித்துள்ளது.தமிழ்நாட்டில் நீர்வளத்துறை பராமரிப்பில் உள்ள 2,786 பாசனக் குளங்கள் நிரம்பின
மதுரை: தமிழ்நாட்டில் நீர்வளத்துறை பராமரிப்பில் உள்ள 2,786 பாசனக் குளங்கள் முழுகொள்ளளவை எட்டி நிரம்பியுள்ளன. தமிழ்நாட்டில் அதிகபட்சமாக மதுரை மாவட்டத்தில் மொத்தமுள்ள 1,340 குளங்களில் 871 குளங்கள் நிரம்பின. தஞ்சை மாவட்டத்தில் 327 பாசனக் குளங்கள் முழு கொள்ளளவை எட்டி 100% நிரம்பியுள்ளன.
Dinakaran , Nov 12, 2022
பெங்களூருவில் இருந்து தனி விமானத்தில் மதுரை விமான நிலையம் வந்தடைந்தார் பிரதமர் நரேந்திர மோடி..!!
மதுரை: பெங்களூருவில் இருந்து தனி விமானம் மூலம் பிரதமர் நரேந்திர மோடி மதுரை விமான நிலையம் வந்தடைந்தார். திண்டுக்கல் காந்தி கிராம பல்கலைக்கழகத்தின் 36வது பட்டமளிப்பு விழாவில் பங்கேற்க பிரதமர் மோடி வருகை தந்துள்ளார். இசையமைப்பாளர் இளையராஜாவுக்கு கவுரவ டாக்டர் பட்டம் வழங்கவுள்ளார். மதுரை விமான நிலையத்தில் பிரதமர் மோடியை, ஆளுநர் ஆர்.என்.ரவி, எடப்பாடி பழனிசாமி, பன்னீர் ஆகியோர் வரவேற்றனர்.
Dinakaran , Nov 11, 2022
திண்டுக்கல் : காந்தி கிராம பல்கலைக்கழக பட்டமளிப்பு விழாவில் பங்கேற்க பிரதமர் மோடி மதுரையில் இருந்து திண்டுக்கல் செல்கிறார். மதுரை விமான நிலையத்தில் இருந்து ஹெலிகாப்டர் மூலம் பிரதமர் திண்டுக்கல் செல்கிறார். காந்தி கிராம பல்கலைக்கழக பட்டமளிப்பு விழாவில் பிரதமர், ஆளுநர், முதலமைச்சர் உள்ளிட்டோர் பங்கேற்கின்றனர். மதுரை உசிலம்பட்டி அருகே அறுவடை நெருங்கியும் கதிர் விடாத நெற்பயிர்களை வேளாண் அதிகாரிகள் ஆய்வு..!!
மதுரை: மதுரை உசிலம்பட்டி அருகே அறுவடை நெருங்கியும் கதிர் விடாத நெற்பயிர்களை வேளாண் அதிகாரிகள் ஆய்வு செய்தனர். விவசாயி பூமிநாதன் புகாரின் பேரில் மதுரை மண்டல வேளாண் விதை ஆய்வு இயக்குனர் முருகேசன் ஆய்வு செய்தார். 120 நாட்களில் அறுவடை செய்ய வேண்டிய நெல்ரகம் 90 நாட்களை கடந்தும் கதிர் விடவில்லை என தனது புகாரில் பூமிநாதன் குற்றம்சாட்டியிருந்தார்.
Dinakaran , Nov 11, 2022
திண்டுக்கல் : காந்தி கிராம பல்கலைக்கழக பட்டமளிப்பு விழாவில் பங்கேற்க பிரதமர் மோடி மதுரையில் இருந்து திண்டுக்கல் வந்தடைந்தார். பிரதமர் நரேந்திர மோடிக்கு ஆளுநர் ரவி, முதலமைச்சர் ஸ்டாலின் ஆகியோர் வரவேற்பு அளித்தனர்.மதுரை அருகே பட்டாசுக் கடையில் ஏற்பட்ட பயங்கர தீவிபத்தில் 5 பேர் படுகாயம்..!!
மதுரை: மதுரை மாவட்டம் செக்கானூரணி பகுதியில் பட்டாசுக் கடையில் ஏற்பட்ட பயங்கர தீவிபத்தில் 5 பேர் படுகாயம் அடைந்தனர். தீவிபத்தில் இன்னும் சிலர் சிக்கியுள்ளதாக தகவல் வெளியாகியுள்ள நிலையில் தீயணைப்புத்துறை மீட்புப்பணியில் ஈடுபட்டு வருகிறது.
Dinakaran , Nov 10, 2022
மதுரை: மதுரை மாவட்டம் திருமங்கலம் அருகே அழகுசிறை கிராமத்தில் உள்ள பட்டாசு ஆலையில் ஏற்பட்ட விபத்தில் 5 தொழிலாளர்கள் உயிரிழந்தனர். பட்டாசு ஆலை விபத்தில் ஒரு பெண் உட்பட 5 பேர் உடல் சிதறி உயிரிழந்தனர். 10க்கும் அதிகமானோர் காயமடைந்திருப்பதாகவும் தகவல் வெளியாகியுள்ளது. வெடி விபத்தில் பட்டாசு ஆலை முழுமையாக தரைமட்டமானது.
சென்னை: மதுரை அழகுசிறை பட்டாசு ஆலையில் ஏற்பட்ட வெடி விபத்தில் சிக்கி உயிரிழந்த 5 பேர் குடும்பத்திற்கு தலா ரூ.5 லட்சம் நிதியுதவி வழங்கப்படும் என முதலமைச்சர் மு.க.ஸ்டாலின் அறிவித்துள்ளார். வெடி விபத்தில் உயிரிழந்தவர்கள் குடும்பங்களுக்கு ஆழ்ந்த இரங்கல் தெரிவித்துள்ள முதலமைச்சர், வெடிவிபத்து குறித்து செய்தி கேட்டு மிகுந்த வேதனையடைந்ததாக கூறியுள்ளார். வெடிவிபத்தில் காயமடைந்தோருக்கு மதுரை ராஜாஜி அரசு மருத்துவமனையில் சிறப்பு சிகிச்சை அளிக்கவும் முதல்வர் மு.க.ஸ்டாலின் உத்தரவிட்டுள்ளார்.
சென்னை: ஆர்.பி.ஐ. அனுமதியின்றி வங்கி நடத்தியதாக 47 பேர் கைது செய்யப்பட்டுள்ளனர் என்று காவல் ஆணையர் சங்கர் ஜிவால் தெரிவித்துள்ளார். மதுரை, கள்ளக்குறிச்சி, நாமக்கல், கடலூர் உள்ளிட்ட இடங்களில் போலியாக வங்கி தொடங்கியுள்ளனர். 3 ஆயிரம் பேர் வங்கி கணக்கு தொடங்கியுள்ளனர்; இதுவரை ரூ.3 கோடி பறிமுதல் செய்யப்பட்டுள்ளது. ஓராண்டாக செயல்பட்டு வந்த போலி வங்கியில் இருந்து ரூ.54 லட்சம் பறிமுதல் செய்யப்பட்டது என்று சங்கர் ஜிவால் கூறினார்.
மதுரை: பள்ளி வளாகம் தவிர்த்து வேறு இடங்களில் குழந்தைகள் நல காப்பகம், அலுவலகம் அமைக்கக்கூடாதா? என சென்னை உயர்நீதிமன்ற கிளை கேள்வி எழுப்பியுள்ளது. நாகர்கோவில் எஸ்.எல்.பி. பெண்கள் பள்ளி மைதானத்தில் குழந்தைகள் நல காப்பகம் அமைக்க தடை கோரி வழக்கு தொடரப்பட்டிருந்தது. பள்ளி மைதானத்தில் குழந்தைகள் நல காப்பகம் அமைத்தால் மாணவர்களின் கல்வி, உடற்கல்வி பாதிக்கப்படும் என மனுவில் தெரிவிக்கப்பட்டிருந்தது. வழக்கு குறித்து தமிழக அரசு தரப்பில் தகவல் பெற்றுத் தெரிவிக்க உயர்நீதிமன்ற மதுரை கிளை உத்தரவிட்டது.
மதுரை : மக்கள் தொகை கணக்கெடுப்பின் போது ஓபிசி பிரிவின் அடிப்படையிலும் கணக்கெடுப்பை நடத்த கூடாது என உயர்நீதிமன்ற மதுரை கிளையில் ஒன்றிய அரசு தகவல் தெரிவித்துள்ளது. மக்கள் தொகை கணக்கெடுப்பின் போது ஓபிசி பிரிவின் அடிப்படையிலும் கணக்கெடுப்பை நடத்த கூடாது என எவ்வாறு கூறுகிறீர்கள்? எனவும், 1951-ல் எடுக்கப்பட்ட ஒன்றிய அரசின் கொள்கை முடிவை மக்களின் நலனுக்காக மாற்றி அமைக்க பரிசீலனை செய்யலாமே எனவும் நீதிபதிகள் கேள்வி எழுப்பியுள்ளனர்.