சென்னை: தமிழகத்துக்கு போதிய தடுப்பூசிகள் வழங்கக்கோரி ஒன்றிய சுகாதாரத்துறை அமைச்சருக்கு முதலமைச்சர் மு.க.ஸ்டாலின் கடிதம் எழுதியுள்ளார். தமிழக மக்கள் தொகை, கொரோனா பாதிப்புக்கு ஏற்ப தடுப்பூசிகளை ஒதுக்க வேண்டும். மேலும் செங்கல்பட்டில் உள்ள தடுப்பூசி உற்பத்தி மையத்தை உடனடியாக பயன்பாட்டுக்கு கொண்டு வர வேண்டும் என் அவர் அந்த கடிதத்தில் தெரிவித்துள்ளார். போக்குவரத்து ஊழியர்களுக்கு ஓய்வூதிய நிலுவைத் தொகை வழங்கும் பணியை தொடங்கி வைத்த முதல்வர்
சென்னை: போக்குவரத்து ஊழியர்களுக்கு வழங்க வேண்டிய ஓய்வூதிய பணப் பயணிகளின் நிலுவைத் தொகை வழங்கும் பணி தொடங்கியுள்ளது. 6 ஒய்வு பெற்ற போக்குவரத்து ஊழியர்களுக்கு நிலுவைத் தொகைக்கான காசோலைகளை முதல்வர் மு.க.ஸ்டாலின் வழங்கினார்.
Dinakaran , Jun 2, 2021
ஓய்வுபெற்ற போக்குவரத்து ஊழியர்களுக்கு நிலுவைத் தொகையை வழங்க முதல்வர் உத்தரவு
சென்னை: போக்குவரத்து ஊழியர்களுக்கான ஓய்வூதிய பணப்பயன்களின் நிலுவைத் தொகையை வழங்க முதல்வர் உத்தரவிட்டுள்ளார். ரூ,. 497 கோடி நிலுவைத்தொகையை வழங்க முதல்வர் மு.க.ஸ்டாலின் ஆணையிட்டுள்ளார். 2,457 ஓய்வுபெற்ற ஊழியர்களுக்கு ஓய்வூதிய பணப்பயன்கள் வழங்கப்பட உள்ளது.
Dinakaran , Jun 2, 2021
சென்னை: தமிழகத்தில் பிளஸ் டூ தேர்வு தொடர்பாக 2 நாட்களில் முடிவு அறிவிக்கப்படும் என்று பள்ளிக்கல்வித்துறை அமைச்சர் அன்பில் மகேஷ் கூறியுள்ளார். மாணவர்களின் பெற்றோர், கல்வியாளர்களிடம் கருத்து கேட்ட பின் முடிவெடுக்கப்படும். மாணவர்களின் உடல்நலம், பாதுகாப்பு முக்கியம் என முதல்வர் மு.க.ஸ்டாலின் கூறியுள்ளார் என அமைச்சர் அன்பில் மகேஷ் தெரிவித்துள்ளார். நெல்லையில் 140 ஆக்சிஜன் படுக்கைகள் கொண்ட கொரோனா சிகிச்சை மையங்களை திறந்து வைத்தார் முதல்வர்
சென்னை: நெல்லை குமாரபுரம் கல்லூரியில் 140 ஆக்சிஜன் படுக்கைகள் கொண்ட கொரோனா சிகிச்சை மையம் திறக்கப்பட்டுள்ளது. வள்ளியூரில் தனியார் கல்லூரியில் 180 படுக்கை கொண்ட சிகிச்சை மையத்தையும் முதல்வர் மு.க.ஸ்டாலின் திறந்து வைத்துள்ளார்.
Dinakaran , Jun 2, 2021
தமிழகத்தில் பிளஸ் 2 பொதுத்தேர்வு தொடர்பாக முதல்வர் மு.க.ஸ்டாலின் தலைமையில் ஆலோசனை
சென்னை: தமிழகத்தில் பிளஸ் 2 பொதுத்தேர்வு தொடர்பாக முதல்வர் மு.க.ஸ்டாலின் தலைமையில் ஆலோசனை நடைபெற்றுவருகிறது. சிபிஎஸ்இ, பிளஸ் 2 தேர்வு ரத்து செய்யப்பட்ட நிலையில் மாநில கல்வித்திட்ட பிளஸ் 2 தேர்வு பற்றி ஆலோசனை மேற்கொள்ளப்பட்டுள்ளது. பள்ளிக்கல்வித்துறை அமைச்சர் அன்பில் மகேஷ், தலைமை செயலாளர் இறையன்பு உள்ளிட்டோர் கூட்டத்தில் பங்கேற்றுள்ளனர்.
Dinakaran , Jun 2, 2021
ரேஷனில் 2-வது தவணை கொரோனா நிவாரண நிதி வழங்குவது பற்றி முதல்வர் மு.க.ஸ்டாலின் ஆலோசனை
சென்னை: ரேஷனில் 2-வது தவணை கொரோனா நிவாரண நிதி வழங்குவது பற்றி முதல்வர் மு.க.ஸ்டாலின் ஆலோசனை மேற்கொண்டுள்ளார். சென்னை தலைமைச் செயலகத்தில் நிதியமைச்சர் பழனிவேல் தியாகராஜன் மற்றும் அதிகாரிகளுடன் முதல்வர் ஆலோசனை நடத்தி வருகிறார். ரேஷன் கடைகளில் 13 பொருட்களுடன் கூடிய மளிகை பொருள் வழங்குவது குறித்தும் முதல்வர் ஆலோசனை நடத்துவதாக தகவல் வெளியாகியுள்ளது.
Dinakaran , May 31, 2021
ரேஷனில் 2-வது தவணை கொரோனா நிவாரண நிதி வழங்க முதல்வர் மு.க.ஸ்டாலின் இன்று ஆலோசனை
சென்னை: ரேஷனில் 2-வது தவணை கொரோனா நிவாரண நிதி வழங்க முதல்வர் மு.க.ஸ்டாலின் இன்று ஆலோசனை மேற்கொள்ள உள்ளதாக தகவல் வெளியாகியுள்ளது. நிதியமைச்சர் பழனிவேல் தியாகராஜன் மற்றும் அதிகாரிகளுடன் இன்று காலை 11 மணிக்கு நடத்த உள்ளார்.
Dinakaran , May 31, 2021
ஈரோடு மாவட்டம் பெருந்துறை அரசு மருத்துவமனையில் முதலமைச்சர் மு.க.ஸ்டாலின் ஆய்வு !
ஈரோடு: ஈரோடு மாவட்டம் பெருந்துறை அரசு மருத்துவமனையில் முதலமைச்சர் மு.க.ஸ்டாலின் ஆய்வு மேற்கொண்டுள்ளார். பெருந்துறை அரசு மருத்துவமனையில் கூடுதலாக 300 ஆக்சிஜன் படுக்கைகளை கொண்ட கொரோனா சிகிச்சை மையம் அமைக்கப்பட்டுள்ளது. இதனையடுத்து, மருத்துவர்கள், செவிலியர்களுக்கு பணி ஆணையை வழங்கியுள்ளார்.
Dinakaran , May 30, 2021
திருப்பூர்: திருப்பூர் அரசு மருத்துவமனையில் 100 ஆக்சிஜன் படுக்கைகள் கொண்ட கொரோனா சிகிச்சை மையத்தை முதல்வர் மு.க.ஸ்டாலின் திறந்து வைத்தார்.மேலும், 20 கார் ஆம்புலன்ஸ் வசதியும் இன்று முதல் தொடங்கப்பட்டுள்ள நிலையில் தமிழகத்துக்கு 23.50 லட்சம் தடுப்பூசிகள் மத்திய அரசிடம் கொள்முதல் செய்யப்பட்டுள்ளது.கொரோனா பரவல் அதிகரித்துள்ளதை அடுத்து கோவை ஈ.எஸ்.ஐ. மருத்துவமனையில் முதல்வர் மு.க.ஸ்டாலின் ஆய்வு !
கோவை: கொரோனா பரவல் அதிகரித்துள்ளதை அடுத்து கோவை ஈ.எஸ்.ஐ. மருத்துவமனையில் முதல்வர் மு.க.ஸ்டாலின் ஆய்வு மேற்கொண்டுள்ளார். கொரோனா நோயாளிகளுக்கு சிகிச்சை அளிக்க 50 கார் ஆம்புலன்ஸ் சேவையையும் முதல்வர் தொடங்கி வைத்துள்ளார். இதனையடுத்து, கொரோனா தடுப்பு நடவடிக்கைகள் பற்றி கோவை, திருப்பூர், ஈரோடு, நீலகிரி ஆட்சியர்களுடன் இன்று மாலை ஆலோசனையில் ஈடுபட உள்ளார்.
Dinakaran , May 30, 2021
சென்னை: கொரோனா தொற்றால் உயிரிழந்த நீதிபதி வனிதா குடும்பத்துக்கு ரூ.25 லட்சம் நிவாரணம் வழங்கப்படும் என்று முதல்வர் மு.க.ஸ்டாலின் அறிவித்துள்ளார். தஞ்சாவூரில் மாவட்ட நீதிபதி நிலையில் மக்கள் நீதிமன்றத்தில் பணியாற்றிய நீதிபதி வனிதா உயிரிழந்தார். முன்னாள் துணைவேந்தர் பத்மஸ்ரீ அனந்தகிருஷ்ணன் மறைவுக்கு முதல்வர் மு.க.ஸ்டாலின் இரங்கல்
சென்னை: அண்ணா பல்கலைக்கழகம் முன்னாள் துணைவேந்தர் பத்மஸ்ரீ அனந்தகிருஷ்ணன் மறைவுக்கு முதல்வர் மு.க.ஸ்டாலின் இரங்கல் தெரிவித்துள்ளார். கலைஞர் கருணாநிதி ஆட்சியில் பி.இ.சேர்க்கையில் ஒற்றைச் சாளர முறையை அறிமுகப்படுத்த உறுதுணையாக இருந்தவர் என முதல்வர் கூறியுள்ளார்.
Dinakaran , May 29, 2021
சென்னை: தமிழ்நாட்டில் ஒருவர் கூட பசியால் வாடவில்லை என்கிற நிலையை உருவாக்கவேண்டும் என்று முதல்வர் மு.க.ஸ்டாலின் வேண்டுகோள் வைத்துள்ளார். தமிழக அளவிலும் குறிப்பாக கோவை, ஈரோடு, திருப்பூர் மாவட்டங்களில் உணவு வழங்கும் பணியை மேக்கொள்ள திமுகவினருக்கு அவர் வேண்டுகோள் விடுத்துள்ளார். மேலும் எனக்கு வரவேற்பு பதாகைகள் வைப்பதை விடுத்து பசியினை போக்கும் உன்னத பணியில் ஈடுபடவேண்டும் என அவர் கூறியுள்ளார். ஊரடங்கு நீட்டிப்பு, கொரோனா தடுப்பு நடவடிக்கைகள் குறித்து முதல்வர் மு.க.ஸ்டாலின் ஆலோசனை
சென்னை: ஊரடங்கு நீட்டிப்பு, கொரோனா தடுப்பு நடவடிக்கைகள் குறித்து முதல்வர் மு.க.ஸ்டாலின் ஆலோசனை மேற்கொண்டுள்ளார். மருத்துவம், வருவாய், பொதுத்துறை, காவல்துறை அதிகாரிகளுடன் முதல்வர் ஆலோசித்து வருகிறார்.
Dinakaran , May 27, 2021
சென்னை பாரிமுனை டான்போஸ்கோ பள்ளியில் தடுப்பூசி முகமை தொடங்கி வைத்தார் முதல்வர் மு.க.ஸ்டாலின்
சென்னை: சென்னை பாரிமுனை டான்போஸ்கோ பள்ளியில் தடுப்பூசி முகமையை முதல்வர் மு.க.ஸ்டாலின் தொடங்கி வைத்துள்ளார். 18 முதல் 44 வயதுக்கு உட்பட்டவர்களுக்கு கொரோனா தடுப்பூசி போட முகாம் தொடங்கப்பட்டு உள்ளது.
Dinakaran , May 27, 2021
கோவை, திருச்சி உள்ளிட்ட 6 மாவட்டங்களில் கொரோனா தாக்கம் குறையவில்லை.: முதல்வர் மு.க.ஸ்டாலின்
சென்னை: கோவை, திருச்சி உள்ளிட்ட 6 மாவட்டங்களில் கொரோனா தாக்கம் குறையவில்லை என்று முதல்வர் மு.க.ஸ்டாலின் கூறியுள்ளார். 6 மாவட்டங்களில் கொரோனா பரிசோதனைகளை அதிகரித்து பாதிப்பை கண்டறிய வேண்டும். ஊரடங்கு நீட்டிப்பது குறித்த ஆலோசனை கூட்டத்தில் முதல்வர் மு.க.ஸ்டாலின் இதனை தெரிவித்துள்ளார்.
Dinakaran , May 27, 2021
மேகதாதுவில் கர்நாடகா அணை கட்ட தமிழக அரசு அனுமதிக்காது.: அமைச்சர் துரைமுருகன்
சென்னை: மேகதாதுவில் கர்நாடகா அணை கட்ட தமிழக அரசு அனுமதிக்காது என்று நீர்வளத் துறை அமைச்சர் துரைமுருகன் கூறியுள்ளார். ஊரடங்கு நீட்டிப்பது குறித்து முதல்வர் மு.க.ஸ்டாலின் முடிவெடுப்பார் என அவர் தெரிவித்துள்ளார்.
Dinakaran , May 27, 2021
சென்னை: செங்கல்பட்டு தடுப்பூசி ஆலையில் உற்பத்தி தொடங்குவது தொடர்பாக பிரதமர் மோடிக்கு முதல்வர் மு.க.ஸ்டாலின் கடிதம் எழுதியுள்ளார். செங்கல்பட்டு தடுப்பூசி உற்பத்தி ஆலையை தமிழக அரசுக்கு குத்தகைக்கு வழங்க முதலமைச்சர் கோரிக்கை வைத்துள்ளார். மேலும் தமிழக அரசுக்கு குத்தகைக்கு ஆலையை வழங்கினால் உடனடியாக தடுப்பூசி உற்பத்தி தொடங்க நடவடிக்கை எடுக்கப்படும் என அவர் அந்த கடிதத்தில் தெரிவித்துள்ளார். 
சென்னை: தமிழகத்துக்கு தேவைப்பட்டால் தளர்வுகளற்ற முழு ஊரடங்கு நீட்டிக்கப்படும் என முதல்வர் மு.க.ஸ்டாலின் பேட்டியளித்துள்ளார். கொரோனா பாதிப்பு அதிகரித்து வரும் நிலையில் சட்டமன்ற குழுவின் பரிந்துரை குறித்து ஆலோசித்து பின்னர் முடிவு எடுக்கப்படும் என்று அவர் தெரிவித்துள்ளார்.
சென்னை: கொரோனாவால் உயிரிழந்த பத்திரிகையாளர்களின் குடும்பங்களுக்கு தலா ரூ.10 லட்சம் இழப்பீடு வழங்கப்படும் என்று முதல்வர் மு.க.ஸ்டாலின் அறிவித்துள்ளார். அரசால் அங்கீகரிக்கப்பட்ட பத்திரிக்கையாளர்கள், ஊடகவியலாளர்களுக்கான சிறப்பு ஊக்கத்தொகை ரூ.3,000ல் இருந்து ரூ.5,000ஆக உயர்த்தப்படும் என்று அறிவிக்கப்பட்டுள்ளது.செங்கல்பட்டு தடுப்பூசி உற்பத்தி மையத்தை செயல்பாட்டுக்கு கொண்டு வருவது குறித்து முதல்வர் ஆலோசனை
சென்னை: செங்கல்பட்டு தடுப்பூசி உற்பத்தி மையத்தை செயல்பாட்டுக்கு கொண்டு வருவது குறித்து முதல்வர் மு.க.ஸ்டாலின் ஆலோசனையில் ஈடுபட்டுள்ளார். சென்னை தலைமைச் செயலகத்தில் நடைபெற்று வரும் ஆலோசனையில் அமைச்சர் தங்கம் தென்னரசு, தலைமைச் செயலாளர் இறையன்பு மற்றும் உயரதிகாரிகள் உள்ளிட்டோர் பங்கேற்றுள்ளனர்.
Dinakaran , May 26, 2021
ஊரடங்கில் மக்களுக்கு தேவையான அத்தியாவசிய பொருட்களை விநியோகிப்பது பற்றி முதல்வர் மு.க.ஸ்டாலின் ஆலோசனை
சென்னை: முழு ஊரடங்கில் மக்களுக்கு தேவையான அத்தியாவசிய பொருட்களை விநியோகிப்பது பற்றி முதல்வர் மு.க.ஸ்டாலின் ஆலோசனை மேற்கொண்டுள்ளார். காய்கறிகள் உள்ளிட்டவை தடையின்றி மக்களுக்கு கிடைக்க தலைமைச் செயலகத்தில் முதல்வர் ஆலோசனை நடத்தி வருகிறார்.
Dinakaran , May 25, 2021
சென்னை: தீவிர முழு ஊரடங்கு காலத்தில் அத்தியாவசிய பொருட்களை தங்கு தடையின்றி விநியோகிக்க முதல்வர் மு.க.ஸ்டாலின் உத்தரவிட்டுள்ளார். காய்கறிகள், பழங்கள், பால் போன்ற அத்தியாவசிய பொருட்களை தங்கு தடையின்றி விநியோகிக்க வேண்டும். மேலும் கிராமப்புறங்களிலும் காய்கறிகள் வழங்கப்படுவதை கட்டாயம் உறுதி செய்ய முதல்வர் ஆணையிட்டுள்ளார். 
சென்னை: முழு ஊரடங்கு காலத்தில் காய்கறி, பழங்கள், மளிகை பொருட்கள் தடையின்றி கிடைக்க ஏற்பாடு செய்ய ஆட்சியர்களுக்கு முதல்வர் மு.க.ஸ்டாலின் உத்தவிட்டுள்ளார். கொரோனா நிவாரண தொகை மக்களுக்கு முழுமையாக சென்று சேர்ந்ததா என்பதை மாவட்ட ஆட்சியர்கள் உறுதி செய்ய வேண்டும் என அவர் கோரிக்கை வைத்துள்ளார். அனைத்து மாவட்ட ஆட்சியர்களுடன் காணொலியில் முதலமைச்சர் மு.க.ஸ்டாலின் ஆலோசனை
சென்னை: அனைத்து மாவட்ட ஆட்சியர்களுடன் காணொலியில் முதலமைச்சர் மு.க.ஸ்டாலின் ஆலோசனை மேற்கொண்டுள்ளார். தளர்வுகளற்ற முழு ஊரடங்கை நாளை முதல் அமல்படுத்துவது குறித்து ஆட்சியர்களுடன் முதல்வர் ஸ்டாலின் ஆலோசனை நடத்தி வருகிறார்.
Dinakaran , May 23, 2021
சென்னை: சென்னை சைதாப்பேட்டை அரசு மருத்துவமனை வளாகத்தில் கொரோனா சிறப்பு சிகிச்சை பிரிவு தொடங்கப்பட்டுள்ளது. 130 ஆக்சிஜன் செறிவூட்டுகளுடன் கூறிய 130 படுக்கைகள் அடங்கிய சிறப்பு பிரிவை முதல்வர் மு.க.ஸ்டாலின் தொடங்கி வைத்துள்ளார். தமிழகத்தில் முழு ஊரடங்கு அவசியம் என்று சட்டமன்ற கட்சிகள் வலியுறுத்தல்
சென்னை: தமிழகத்தில் கொரோனா நோய்த்தொற்று அதிகரித்து வரும் சூழலில் முழு ஊரடங்கு அவசியம் என்று காங்கிரஸ், அதிமுக, பாஜக உள்ளிட்ட சட்டமன்ற கட்சிகள் வலியுறுத்தியுள்ளது. முதலமைச்சர் மு.க.ஸ்டாலின் தலைமையில் நடந்த சட்டமன்ற அனைத்துக்கட்சி குழு கூட்டத்தில் உறுப்பினர்கள் கருத்து தெரிவித்துள்ளனர்.
Dinakaran , May 22, 2021
தமிழகத்தில் கொரோனா தொற்று பரவல் இன்னும் கட்டுக்குள் வரவில்லை: முதல்வர் மு.க.ஸ்டாலின் பேச்சு !
சென்னை: தமிழகத்தில் கொரோனா தொற்று பரவல் இன்னும் கட்டுக்குள் வரவில்லை என்று முதல்வர் மு.க.ஸ்டாலின் தெரிவித்துள்ளார். தளர்வுகளை பயன்படுத்தி அவசியமில்லாமல் பொதுமக்கள் வெளியில் சுற்றுவது அதிகரித்துள்ளது. மக்களின் பாதுகாப்பிற்காகவே ஊரடங்கு பிறப்பிக்கப்பட்டுள்ளது. என தெரிவித்துள்ளார்.
Dinakaran , May 22, 2021
தமிழகத்தில் தளர்வுகள் அற்ற முழு ஊரடங்கை அமல்படுத்த அரசு பரிசீலனை: முதல்வர் மு.க.ஸ்டாலின் பேச்சு !
சென்னை: தமிழகத்தில் தளர்வுகள் அற்ற முழு ஊரடங்கை அமல்படுத்த அரசு பரிசீலனை செய்யப்படுகிறது என்று முதல்வர் மு.க.ஸ்டாலின் தெரிவித்துள்ளார். தளர்வுகள் அற்ற முழு ஊரடங்கை அமல்படுத்தினால் தான் கொரோனாவை குறைக்க முடியும் என மருத்துவ நிபுணர் குழு பரிந்துரைத்துள்ளனர். முழு ஊரடங்கை விடுமுறை காலம் என்று பொதுமக்கள் நினைக்கின்றனர். இது கொரோனா காலம் என்பதை மக்கள் இன்னும் முழுமையாக உணரவில்லை என்று தெரிவித்துள்ளார்.
Dinakaran , May 22, 2021
சென்னையில் முதல்வர் மு.க.ஸ்டாலின் தலைமையில் சட்டமன்ற அனைத்துக்கட்சி குழு கூட்டம் தொடங்கியது !
சென்னை: சென்னையில் முதல்வர் மு.க.ஸ்டாலின் தலைமையில் சட்டமன்ற அனைத்துக்கட்சி குழு கூட்டம் தொடங்கியது. தமிழகத்தில் கொரோனா பரவலை கட்டுப்படுத்த முழு ஊரடங்கை மேலும் 2 வாரம் நீட்டிக்க தமிழக அரசுக்கு மருத்துவ நிபுணர் குழு பரிந்துரை செய்துள்ளது. இதுகுறித்து திமுக, அதிமுக, காங்கிரஸ் உள்பட 13 சட்டமன்ற அனைத்துக்கட்சி குழுவுடன் ஆலோசனையில் ஈடுபட்டுள்ளார்.
Dinakaran , May 22, 2021
சென்னை: முதல்வர் மு.க.ஸ்டாலின் தலைமையில் நடந்த கூட்டத்தில் ஊரடங்கை நீட்டிக்க அனைத்து சட்டமன்ற கட்சிகளின் எம்எல்ஏக்களும் ஆதரவு தெரிவித்துள்ளனர். மருத்துவ குழு ஊரடங்கை 2 வாரம் நீட்டிக்க பரிந்துரை செய்த நிலையில் அனைத்து சட்டமன்ற கட்சிகளின் எம்எல்ஏக்களும் ஆதரவு தெரிவித்துள்ளனர்.முன்னாள் பிரதமர் ராஜீவ்காந்தி படத்துக்கு மலர் தூவி மரியாதை செலுத்தினார் முதல்வர் மு.க.ஸ்டாலின்
திருச்சி: திருச்சி ரயில் நிலையம் அருகே முன்னாள் பிரதமர் ராஜீவ்காந்தி படத்துக்கு முதல்வர் மு.க.ஸ்டாலின் மலர் தூவி மரியாதை செலுத்தினார். ராஜீவ்காந்தியின் 30-ம் ஆண்டு நினைவு நாளை ஒட்டி அவரது படத்துக்கு முதல்வர் மரியாதை செலுத்தினார்.
Dinakaran , May 21, 2021
மதுரை: மதுரையில் 500 ஆக்சிஜன் படுக்கை வசதியுடன் கொரோனா சிகிச்சை மையத்தை முதல்வர் மு.க.ஸ்டாலின் தொடங்கி வைத்துள்ளார். திருமங்கலம் அருகே தோப்பூரில் அமைக்கப்பட்டுள்ள 500 ஆக்சிஜன் படுக்கை வசதி மையத்தை திறந்து வைத்தார். அனைத்து படுக்கைகளுக்கும் தனித்தனி மின்விசிறி, ஆவி பிடிப்பதற்கான கருவி பொருத்தப்பட்டுள்ளது. 
சென்னை: தமிழகத்தில் 18 முதல் 44 வயது வரையிலான 3.6 கோடி பேருக்கு கொரோனா தடுப்பூசி போடும் திட்டம் முதல்வர் மு.க.ஸ்டாலின் தலைமையில் தொடங்கியது. நியூ திருப்பூர் பகுதியில் உள்ள நேதாஜி ஆயுத ஆடை பூங்காவில் தடுப்பூசி திட்டம் தொடங்கி வைக்கப்பட்டது.சேலம் மாவட்டம் மகுடஞ்சாவடி ஆரம்ப சுகாதார நிலையத்தில் முதல்வர் மு.க.ஸ்டாலின் நேரில் ஆய்வு
சேலம்: சேலம் மாவட்டம் மகுடஞ்சாவடி ஆரம்ப சுகாதார நிலையத்தில் கொரோனா தடுப்பு பணிகளை முதல்வர் மு.க.ஸ்டாலின் நேரில் ஆய்வு மேற்கொண்டுள்ளார். முதலமைச்சராக பதவியேற்றபின் மாவட்டங்களுக்கு பயணம் மேற்கொண்டு வருகிறார். 5 மாவட்டங்களில் இன்றும், நாளையும் மு.க.ஸ்டாலின் ஆய்வு செய்கிறார்.
Dinakaran , May 20, 2021
சேலத்தில் 500 படுக்கைகளுடன் கொரோனா சிகிச்சை மையத்தை முதல்வர் மு.க.ஸ்டாலின் திறந்து வைத்தார் !
சேலம்: சேலம் உருக்காலையில் 500 படுக்கைகளுடன் அமைக்கப்பட்ட புதிய கொரோனா சிகிச்சை மையத்தை முதல்வர் மு.க.ஸ்டாலின் திறந்து வைத்தார். மேலும், இதுகுறித்து முதல்வர் மு.க.ஸ்டாலின் ஆய்வு மேற்கொண்டு வரும் நிலையில் சேலத்தைத் தொடர்ந்து திருப்பூர், கோவை மாவட்டங்களில் முதல்வர் மு.க.ஸ்டாலின் ஆய்வு நடத்துகிறார்.
Dinakaran , May 20, 2021
திருப்பூர் பின்னலாடை மற்றும் அதன் சார்ந்த தொழில் துறையினருடன் முதல்வர் மு.க.ஸ்டாலின் ஆலோசனை
திருப்பூர்: முழு ஊரடங்கு அமலான நிலையில் தொழில்துறையினரின் செயல்பாடுகள் குறித்து திருப்பூர் பின்னலாடை மற்றும் அதன் சார்ந்த தொழில் துறையினருடன் முதல்வர் மு.க.ஸ்டாலின் ஆலோசனையில் ஈடுபட்டுள்ளார். ராம்ராஜ் நிறுவன தலைவர் ரூ.1 கோடி உள்ளிட்ட தொழில் முனைவோர் சார்பில் ரூ.2.70 கோடி முதல்வரிடம் தரப்பட்டது.
Dinakaran , May 20, 2021
சென்னை: முதலமைச்சர் நிவாரண நிதிக்கு வழங்கப்படும் நன்கொடைகள், கொரோனா நிவாரணப்பணிக்கு மட்டுமே செலவிடப்படும் என்று முதல்வர் மு.க.ஸ்டாலின் கூறியுள்ளார். மத்திய அரசுடன் இணைந்து 142 மினி ஆக்சிஜன் நிலையங்கள் அமைக்கப்பட உள்ளது. மேலும் பல்வேறு நாடுகளில் இருந்து ஆக்சிஜன் சிலிண்டர்கள், செறிவூட்டிகள் கொண்டு வரப்பட்டுள்ளது என அவர் தெரிவித்துள்ளார். 
சென்னை: புதிய ரேஷன் அரிசி அட்டைதாரர்களுக்கும் கொரோனா நிவாரண நிதியாக ரூ.2,000 வழங்கப்படும் என்று முதல்வர் மு.க.ஸ்டாலின் அறிவித்துள்ளார். தற்போது நடைமுறைக்கு வந்துள்ள 2,14,950 புதிய ரேஷன் அரிசி அட்டைதாரர்களுக்கு ரூ.2,000 வழங்கப்படும் என்று தெரிவிக்கப்பட்டுள்ளது.தமிழகத்தில் ஆக்சிஜன், தடுப்பூசி மருந்து உற்பத்தியை தொடங்க நடவடிக்கை: முதல்வர் மு.க.ஸ்டாலின் உத்தரவு
சென்னை: தமிழகத்தில் ஆக்சிஜன், தடுப்பூசி மருந்து உற்பத்தியை தொடங்க நடவடிக்கை எடுக்கப்படும் என்று முதல்வர் மு.க.ஸ்டாலின் தெரிவித்துள்ளார். ஆக்சிஜன் தட்டுப்பாட்டை போக்க தமிழகத்தில் தடுப்பூசி மருந்து உற்பத்தி நிலையங்களை அதிகரிக்க உத்தரவிடப்பட்டுள்ளது. மருத்துவ உயர் தொழில்நுட்ப சாதனங்கள், ஆக்சிஜன் செறிவூட்டிகளை தமிழகத்தில் தயாரிக்க உத்தரவிடப்பட்டுள்ளது.
Dinakaran , May 18, 2021
காங்கிரஸ் முன்னாள் எம்.பி துளசி அய்யா வாண்டையார் மறைவுக்கு முதலமைச்சர் இரங்கல்
சென்னை: காங்கிரஸ் முன்னாள் எம்.பி துளசி அய்யா வாண்டையார் மறைவுக்கு முதலமைச்சர் மு.க.ஸ்டாலின் இரங்கல் தெரிவித்துள்ளார். டெல்டா மாவட்ட மக்களால் 'கல்விக்கண் திறந்த வள்ளல்' என்று துளசி அய்யா வாண்டையார் கொண்டாடப்பட்டவர். மேலும் சுதந்திர போராட்ட வீரர் துளசி அய்யா வாண்டையார் மறைவு செய்தி அறிந்து ஆற்றொணா துயரம் கொண்டேன் என முதல்வர் கூறியுள்ளார்.
Dinakaran , May 17, 2021
சென்னை பெரம்பூரில் உள்ள ரேஷன் கடையில் பொதுமக்களுக்கு ரூ.2,000 நிவாரணம் வழங்கினார் முதல்வர்
சென்னை: சென்னை பெரம்பூர் பேப்பர் மில்ஸ் சாலையில் ரேஷன் கடையை முதலமைச்சர் மு.க.ஸ்டாலின் ஆய்வு செய்தார். ஆய்வின் போது பொதுமக்களுக்கு ரூ.2,000 கொரோனா நிர்வாண நிதியை முதல்வர் மு.க.ஸ்டாலின் வழங்கினார்.
Dinakaran , May 17, 2021
சென்னை ஓட்டேரியில் கொரோனா தடுப்பூசி போடும் சிறப்பு முகாமை தொடங்கி வைத்தார் முதல்வர் மு.க.ஸ்டாலின்
சென்னை: சென்னை ஓட்டேரியில் கொரோனா தடுப்பூசி போடும் சிறப்பு முகாமை முதல்வர் மு.க.ஸ்டாலின் தொடங்கி வைத்துள்ளார். தயாநிதி மாறன் எம்.பி, அமைச்சர் சேகர்பாபு, மாநகராட்சி ஆணையர் ககன்தீப் சின் பேடி நிகழ்ச்சியில் பங்கேற்றனர்.
Dinakaran , May 17, 2021
கொரோனா தடுப்பு பணிகள் குறித்து தலைமைச் செயலகத்தில் முதல்வர் மு.க.ஸ்டாலின் ஆலோசனை
சென்னை: கொரோனா தடுப்பு பணிகள் குறித்து தலைமைச் செயலகத்தில் முதல்வர் மு.க.ஸ்டாலின் முக்கிய ஆலோசனையில் ஈடுபட்டுள்ளார். இந்த ஆலோசனையில் மருத்துவத்துறை அமைச்சர் மா.சுப்பிரமணியன், மருத்துவ துறை செயலாளர் ராதாகிருஷ்ணன் உள்ளிட்டோர் ஆலோசனையில் பங்கேற்றுள்ளனர்.
Dinakaran , May 16, 2021
சென்னை: அணைகளின் நீர்மட்டங்களை கண்காணித்து வரும்படி முதல்வர் மு.க.ஸ்டாலின் உத்தரவிட்டுள்ளார். கரை திரும்பாத படகுகள் கரை திரும்ப உரிய நடவடிக்கை மேற்கொள்ளவும் முதல்வர் ஆணையிட்டுள்ளார். 
சென்னை: தமிழகத்தில் ரெம்டெசிவிர் மருந்தை பதுக்கி கள்ளச்சந்தையில் விற்றால் குண்டாஸ் சட்டம் பாயும் என்று முதல்வர் மு.க.ஸ்டாலின் கூறுயுள்ளார். குண்டர் சட்டத்தின் கீழ் நடவடிக்கை எடுக்க காவல்துறைக்கு முதல்வர் உத்தரவிட்டுள்ளார். பேரிடர் காலத்தில் ரெம்டெசிவிர், ஆக்சிஜனை அதிக விலைக்கு விற்பது மிக கடுமையான குற்றமாகும் என அவர் தெரிவித்துள்ளார். டவ்-தே புயல் தொடர்பாக வானிலை மைய அதிகாரிகளுடன் முதல்வர் மு.க.ஸ்டாலின் ஆலோசனை
சென்னை: டவ்-தே புயல் தொடர்பாக வானிலை மைய அதிகாரிகளுடன் முதல்வர் மு.க.ஸ்டாலின் ஆலோசனை மேற்கொண்டுள்ளார். தலைமைச் செயலாளர் இறையன்பு, பேரிடர் மேலாண்மை இயக்குனர் அதுல்ய மிஸ்ரா உள்ளிட்டோரும் ஆலோசனையில் பங்கேற்றுள்ளனர்.
Dinakaran , May 15, 2021
விசிக பொருளாளர் முகமது யூசுப் மறைவுக்கு முதல்வர் மு.க.ஸ்டாலின் இரங்கல்
சென்னை: விசிக பொருளாளர் முகமது யூசுப் கொரோனாவால் இறந்த செய்தியறிந்து வேதனை அடைந்தேன் என்று முதல்வர் மு.க.ஸ்டாலின் கூறியுள்ளார். தகவல் அறிந்ததும் திருமாவளவனை தொலைபேசியில் தொடர்பு கொண்டு ஆறுதல் கூறினேன் என அவர் தெரிவித்துள்ளார்.
Dinakaran , May 15, 2021
தமிழகத்தில் முழு ஊரடங்கு கட்டுப்பாடுகளை தீவிரப்படுத்த முதல்வர் மு.க.ஸ்டாலின் ஆலோசனை
சென்னை: தமிழகத்தில் முழு ஊரடங்கு கட்டுப்பாடுகளை தீவிரப்படுத்த முதல்வர் மு.க.ஸ்டாலின் ஆலோசனையில் ஈடுபட்டுள்ளார். முழு ஊரடங்கு கட்டுப்பாடுகளை கடுமையாக அமல்படுத்துவது குறித்து டிஜிபி திரிபாதி, சென்னை காவல் ஆணையர் சங்கர் ஜிவால் மற்றும் அரசு உயரதிகாரிகளுடன் முதல்வர் மு.க.ஸ்டாலின் ஆலோசனையில் ஈடுபட்டுள்ளார்.
Dinakaran , May 14, 2021
நோய்த்தொற்று எண்ணிக்கை உயர்வது பெரும் கவலை அளிக்கிறது: முதல்வர் மு.க.ஸ்டாலின் பேச்சு
சென்னை: கொரோனா நோய்த்தொற்று 2வது அலை தாக்கத்தால் பிற மாநிலங்களை போலவே தமிழ்நாடும் பேரிடரை எதிர்கொண்டுள்ளது என்று முதல்வர் மு.க.ஸ்டாலின் தெரிவித்துள்ளார். நாளுக்கு நாள் நோய்த்தொற்று எண்ணிக்கை உயர்வதும் உயிரிழப்புகள் ஏற்படுவதும் பெரும் கவலை அளிக்கிறது என்று தெரிவித்துள்ளார்.
Dinakaran , May 14, 2021
சென்னை: கொரோனா தடுப்பு பணிகளுக்காக திமுக எம்.எல்.ஏ.க்கள் தங்கள் ஒருமாத ஊதியத்தை வழங்குவார்கள் என்று முதல்வர் மு.க.ஸ்டாலின் அறிவித்துள்ளார். முதல்வரின் பொது நிவாரண நிதிக்கு திமுக எம்.எல்.ஏ.க்கள், எம்.பி.க்கள் உள்ளிட்டோர் நன்கொடை வழங்குவார்கள் என்று தெரிவிக்கப்பட்டுள்ளது.
சென்னை: தமிழகத்தை கொரோனா பாதிப்பிலிருந்து மீட்க திமுகவினர் களப்பணியாற்றிட வேண்டும் என்று தொண்டர்களுக்கு முதல்வர் மு.க.ஸ்டாலின் கடிதம் அனுப்பியுள்ளார். தங்கள் மீது நம்பிக்கை வைத்துள்ள மக்களின் பக்கம் உறுதியாக நிற்க வேண்டிய காலகட்டம் இது என்று தெரிவித்துள்ளார்.ஓ.பன்னீர்செல்வத்தின் சகோதரர் மறைவுக்கு முதல்வர் மு.க.ஸ்டாலின் இரங்கல்
சென்னை: அதிமுக ஒருங்கிணைப்பாளர் பன்னீர்செல்வத்தின் சகோதரர் பாலமுருகன் மறைவுக்கு முதலமைச்சர் மு.க.ஸ்டாலின் இரங்கல் தெரிவித்துள்ளார். ஓ.பி.எஸ்-ஐ தொலைபேசியில் தொடர்பு கொண்டு முதலமைச்சர் மு.க.ஸ்டாலின் ஆறுதல் தெரிவித்துள்ளார்.
Dinakaran , May 14, 2021
சென்னை: கொரோனா தடுப்பூசி மருந்துகள் மீதான ஜி.எஸ்.டி. வரியை முழுமையாக ரத்து செய்ய கோரி பிரதமருக்கு முதல்வர் மு.க.ஸ்டாலின் கடிதம் எழுதியுள்ளார். நிலுவையில் உள்ள ஜி.எஸ்.டி. இழப்பீட்டு தொகையையும் அரிசி மானியத்தையும் உடனே வழங்க ஸ்டாலின் வலியுறுத்தியுள்ளார். உலகத்தமிழர்களே உயிர்காக்க நிதி வழங்குங்கள்.: முதல்வர் மு.க.ஸ்டாலின் கோரிக்கை
சென்னை: உலகத்தமிழர்களே உயிர்காக்க நிதி வழங்குங்கள் என்று முதல்வர் மு.க.ஸ்டாலின் கோரிக்கை விடுத்துள்ளார். கொரோனா தடுப்பு பணிக்கு வெளிநாடுவாழ் தமிழர்கள் நிதி வழங்க ஸ்டாலின் வேண்டுகோள் வைத்துள்ளார். மேலும் மக்கள் வழங்கும் நிதி கொரோனா தடுப்பு பணிக்கு மட்டுமே பயன்படுத்தப்படும் என முதல்வர் கூறியுள்ளார்.
Dinakaran , May 13, 2021
கொரோனா தடுப்பு பணிக்காக திமுக அறக்கட்டளை சார்பில் ரூ.1 கோடி நிதியுதவி.: மு.க.ஸ்டாலின்
சென்னை: கொரோனா தடுப்பு பணிக்காக முதலமைச்சர் பொது நிவாரண நிதிக்கு திமுக அறக்கட்டளை சார்பில் ரூ.1 கோடி நிதியுதவி அளிக்கப்பட்டுள்ளது. ரூ.1 கோடி நிதி வழங்கப்படும் என்று திமுக அறக்கட்டளை தலைவர் மு.க.ஸ்டாலின் அறிவித்துள்ளார்.
Dinakaran , May 13, 2021
ரமலான் பண்டிகையை பாதுகாப்புடன் கொண்டாட முதலமைச்சர் மு.க.ஸ்டாலின் வேண்டுகோள்
சென்னை: ரமலான் பண்டிகையை பாதுகாப்புடன் கொண்டாட தமிழக முதலமைச்சர் மு.க.ஸ்டாலின் வேண்டுகோள் விடுத்துள்ளார். தியாகமும் ஈகையும் இணைந்த மார்க்க நெறியை பின்பற்றி வாழும் இஸ்லாமியர்களுக்கு ரமலான் வாழ்த்துக்கள் என அவர் கூறியுள்ளார்.
Dinakaran , May 13, 2021
சென்னை: தமிழக சட்டப்பேரவையில் போட்டியின்றி சபாநாயகராக அப்பாவு தேர்ந்தெடுக்கப்பட்டு இருப்பது எங்களுக்கு பெருமை அளிக்கிறது என்று முதல்வர் மு.க.ஸ்டாலின் வாழ்த்து தெரிவித்துள்ளார். ஜனநாயக மரபுப்படி நின்று சட்டப்பேரவையை வழிநடத்துவீர்கள் என்று அவர் தெரிவித்துள்ளார்.முன்கள வீரர்களாக கடமையாற்றும் இருபால் செவிலியர்களுக்கு நன்றி: முதல்வர் மு.க.ஸ்டாலின் வாழ்த்து
சென்னை: முன்கள வீரர்களாக கடமையாற்றும் இருபால் செவிலியர்களுக்கு நன்றி என்று முதல்வர் மு.க.ஸ்டாலின் உலக செவிலியர் தினத்துக்கு வாழ்த்து தெரிவித்துள்ளார். பேரிடர்கால பணிகளில் அர்ப்பணிப்புணர்வுடன் செயல்படும் செவிலியர்களின் நலன்களும் உரிமைகளும் காக்கப்படும் என்று தெரிவித்துள்ளார்.
Dinakaran , May 12, 2021
சென்னை: கொரோனா சிகிச்சை பணியின்போது உயிரிழந்த 43 மருத்துவர்களின் குடும்பங்களுக்கு ரூ.25 லட்சம் இழப்பீடு வழங்கப்படும் என்று முதல்வர் மு.க.ஸ்டாலின் அறிவித்துள்ளார். மேலும், கொரோனா 2வது அலை காலத்தில் பணியாற்றி வரும் மருத்துவர்களுக்கு ரூ.30,000, செவிலியர்களுக்கு ரூ.20,000, இதர பணியாளர்களுக்கு ரூ.15,000 ஊக்கத்தொகை வழங்கப்படும் என்று தெரிவித்துள்ளார்.சட்டமன்ற உறுப்பினராக பதவி ஏற்று கொண்டார் முதலமைச்சர் மு.க.ஸ்டாலின்
சென்னை: முதலமைச்சர் மு.க.ஸ்டாலின், சட்டமன்ற உறுப்பினராக பதவி ஏற்று கொண்டுள்ளார். முதலமைச்சர் மு.க.ஸ்டாலினை தொடர்ந்து அமைச்சர்கள், சட்டமன்ற உறுப்பினர்களாக பதவி ஏற்று கொண்டுள்ளனர். தற்காலிக சபாநாயகர் கு.பிச்சாண்டி, பதவிப் பிரமாணம் செய்து வைத்துள்ளார்.
Dinakaran , May 11, 2021
தமிழக சட்டப்பேரவையின் தற்காலிக சபாநாயகராக கு.பிச்சாண்டி பதவியேற்றுக் கொண்டார் !
சென்னை: தமிழக சட்டப்பேரவையின் தற்காலிக சபாநாயகராக கு.பிச்சாண்டி பதவியேற்றுக் கொண்டார். சென்னை ராஜ்பவனில் ஆளுநர் பன்வாரிலால் பதவிப்பிரமாணம் செய்துவைத்தார். பதவியேற்பு விழாவில் முதல்வர் மு.க.ஸ்டாலின் மற்றும் அமைச்சர்கள் பங்கேற்றுள்ளனர்.
Dinakaran , May 10, 2021
அண்ணா பல்கலைக்கழக ஆன்லைன் தேர்வில் குளறுபடி: உயர் கல்வித்துறை அமைச்சர் பொன்முடி பேட்டி
சென்னை: அண்ணா பல்கலைக்கழக ஆன்லைன் தேர்வில் குளறுபடி நடந்துள்ளதாக மாணவர்களிடம் இருந்து புகார்கள் வந்துள்ளன என்று உயர் கல்வித்துறை அமைச்சர் பொன்முடி பேட்டியளித்துள்ளார். இது தொடர்பாக ஆலோசனை நடத்தி அடுத்த கட்ட நடவடிக்கை குறித்து முதல்வர் மு.க.ஸ்டாலின் அறிவிப்பார் என்று அவர் தெரிவித்துள்ளார்.
Dinakaran , May 10, 2021
சென்னை: தமிழகத்துக்கு கூடுதலாக 20,000 ரெம்டெசிவிர் மருந்துகள் ஒதுக்க வேண்டும் என்று மத்திய அரசிடம் முதல்வர் மு.க.ஸ்டாலின் வலியுறுத்தியுள்ளார். நாள் ஒன்றுக்கு 7,000 குப்பிகள் ரெம்டெசிவிர் மட்டுமே வழங்கப்பட்டு வருகிறது. இது போதுமானது அல்ல, 20,000 ரெம்டெசிவிர் மருந்துகள் வழங்கினால் மட்டுமே அரசு, தனியார் மருத்துவமனைகளின் தேவைகளை நிறைவு செய்ய முடியும் என்று அவர் தெரிவித்துள்ளார்.
சென்னை: சென்னை தலைமைச் செயலகத்தில் இருந்து கொரோனா நிவாரண நிதி வழங்கும் திட்டத்தை முதலமைச்சர் மு.க.ஸ்டாலின் தொடங்கி வைத்தார். கொரோனா நிவாரண நிதியாக குடும்ப அட்டைதாரர்களுக்கு ரூ.4,000 வழங்கப்படும் என்று தேர்தல் அறிக்கை வாக்குறுதியை நிறைவேற்றும் விதமாக முதல் தவணை நிதியான ரூ.2,000-தை 5 குடும்பங்களுக்கு வழங்கியுள்ளார்.
சென்னை: கொரோனாவால் ஒரு உயிர் கூட பலியாகக் கூடாது என்று அமைச்சரவை கூட்டத்தில் முதல்வர் மு.க.ஸ்டாலின் வலியுறுத்தியுள்ளார். ரெம்டிசிவிர் மருந்துகள் அனைவருக்கும் உரிய முறையில் விநியோகிப்பதை உறுதி செய்ய வேண்டும் என கேட்டுக்கொண்டுள்ளார். 
சென்னை: முதலமைச்சர் மு.க.ஸ்டாலின் தலைமையில் தமிழக அமைச்சரவை முதல் கூட்டம் தொடங்கியுள்ளது. முழு பொது முடக்கத்தை அமல்படுத்துவது தொடர்பாக அமைச்சரவை கூட்டத்தில் ஆலோசிக்கப்படுகிறது. 
சென்னை: தமிழ் மக்கள் விரும்பும் நல்லாட்சியை வழங்கிடுவேன் என நான் உறுதியளிக்கிறேன் என்று முதல்வர் மு.க.ஸ்டாலின் கூறியுள்ளார். சவால்களையும், நெருக்கடிகளையும் வலிமையுடன் எதிர்கொண்டு நல்லாட்சி வழங்குவேன். மேலும் எவ்வித பேதமும் பாகுப்பாடும் இல்லாத, எல்லாப்பிரிவையும் அரவைணைத்து அழைத்துச்செல்லும் அரசு இது என அவர் தெரிவித்துள்ளார். எனை ஈன்ற தாய் உள்ளிட்ட அனைத்து தாயாருக்கும் அன்னையர் தின நல்வாழ்த்துக்கள்.: மு.க.ஸ்டாலின் ட்வீட்
சென்னை: மகளிர் நலத்துடன் அன்னையர் நலனையும் தமிழக அரசு காக்கும் என முதலமைச்சர் மு.க.ஸ்டாலின் கூறியுள்ளார். தாய் மொழி, தாய்நாடு என நம்வாழ்வின் எல்லா நிலையிலும் உயர்ந்து நிறைந்திருப்பவர் தாய். எனை ஈன்ற தாய் உள்ளிட்ட அனைத்து தாயாருக்கும் அன்னையர் தின நல்வாழ்த்துக்கள் என ஸ்டாலின் தெரிவித்துள்ளார்.
Dinakaran , May 9, 2021
தமிழ்நாடு முதலமைச்சர் மு.க.ஸ்டாலின்: 'உளமார உறுதி' கூறி பதவியேற்றார், மற்ற அமைச்சர்கள் யார் யார்?
BBC Tamil News , May 9, 2021
சென்னை: தமிழகத்தில் நகர பேருந்துகளில் திருநங்கைகளுக்கும் இலவச பயணத்தை அனுமதிப்பது குறித்து விரைவில் முடிவு எடுக்கப்படும் என்று முதல்வர் மு.க.ஸ்டாலின் தகவல் தெரிவித்துள்ளார். மகளிர் நலன், உரிமை ஆகியவற்றுடன் திருநங்கை வாழ்வை இணைத்தே சிந்திப்பது திமுக அரசின் வழக்கம், ட்விட்டரில் திருநங்கைகள் கோரிக்கையை கவனத்தில் கொண்டு வந்தவர்களுக்கும் முதல்வர் மு.க.ஸ்டாலின் நன்றி தெரிவித்துள்ளார்.
சென்னை: தமிழகத்தில் 2 வார முழு ஊரடங்கை மக்கள் முறையாக கடைபிடிக்க வேண்டும் என்று முதல்வர் மு.க.ஸ்டாலின் வேண்டுகோள் விடுத்துள்ளார். 2 வாரங்களில் மேலும் கொரோனா அதிகரித்தால் நோயை கட்டுப்படுத்துவது சவாலாகி விடும், கொரோனா பரவலை தடுக்க மருத்துவப் பணியாளர்கள் போராடி வருகின்றனர். அவர்களுக்கு ஒத்துழைப்பு தேவை என்று அவர் தெரிவித்துள்ளார்.பொது விநியோகத் திட்டத்தின் கீழ் கூடுதல் அரிசி வழங்குவது பற்றி முதல்வர் மு.க.ஸ்டாலின் ஆலோசனை !
சென்னை: தமிழகத்தில் பொது விநியோகத் திட்டத்தின் கீழ் கூடுதல் அரிசி வழங்குவது பற்றி முதல்வர் மு.க.ஸ்டாலின் ஆலோசனையில் ஈடுபட்டுள்ளார். மேலும், ரேஷன் அரிசி அட்டைதாரர்களுக்கு முதல் தவணை கொரோனா நிதி ரூ.2,000 தருவது பற்றியும் ஆலோசனையானது நடைபெற்று வருகிறது. இதில், உணவுத்துறை அமைச்சர், அரசு அதிகாரிகள் பங்கேற்றுள்ளனர்.
Dinakaran , May 8, 2021
அரிசி குடும்ப அட்டைதாரர்களுக்கு கொரோனா நிவாரண நிதி வழங்கும் திட்டம் மே 10ம் தேதி தொடக்கம் !
சென்னை: தமிழகத்தில் ரேஷன் அரிசி குடும்ப அட்டைதாரர்களுக்கு கொரோனா நிவாரண நிதி வழங்கும் திட்டம் மே 10ம் தேதி தொடங்கப்படும் என்று உணவுத்துறை அமைச்சர் சக்கரபாணி பேட்டியளித்துள்ளார். கொரோனா நிவாரணமாக ரூ.4,000 அறிவிக்கப்பட்ட நிலையில் முதல் தவணையாக ரூ.2,000 வழங்கப்படுகிறது. சென்னை தலைமைச் செயலகத்தில் முதல்வர் மு.க.ஸ்டாலின் திட்டத்தை தொடங்கி வைக்கிறார்.
Dinakaran , May 8, 2021
தமிழக முதலமைச்சராக பதவியேற்ற மு.க.ஸ்டாலினுக்கு பிரதமர் மோடி ட்வீட்டரில் வாழ்த்து
டெல்லி: தமிழக முதலமைச்சராக பதவியேற்ற மு.க.ஸ்டாலினுக்கு பிரதமர் நரேந்திர மோடி ட்வீட்டரில் வாழ்த்து தெரிவித்துள்ளார். சென்னை தலைமைச் செயலகத்தில் முதல்வர் மு.க.ஸ்டாலின் பதவியேற்று 5 கோப்பில் கையெழுத்திட்டது குறிப்பிடத்தக்கது.
Dinakaran , May 7, 2021
சென்னை தலைமைச் செயலகத்தில் முதலமைச்சராக முதல் கையெழுத்திட்டார் மு.க.ஸ்டாலின்
சென்னை: சென்னை தலைமைச் செயலகத்தில் முதலமைச்சராக மு.க.ஸ்டாலின் முதல் கையெழுத்திட்டுள்ளார். கொரோனா கால் நிவாரணமாக ரூ.4,000 வழங்கும் கோப்பில் முதல்வர் மு.க.ஸ்டாலின் கையெழுத்திட்டார். அதனை தொடர்ந்து ஆவின் பால் விலை லிட்டருக்கு ரூ.3 குறைக்கப்பட்டுள்ளது.
Dinakaran , May 7, 2021
சென்னை: தலைமைச் செயலகத்தில் முதலமைச்சராக திமுக தலைவர் மு.க.ஸ்டாலின் பொறுப்பெற்றுள்ளார். சென்னை தலைமைச் செயலகத்தில் காவல்துறை மரியாதையை ஏற்றார் பின்னர் முதலமைச்சர்களுக்கான பணிகளை தொடர்ந்துள்ளார். மறைந்த க.அன்பழகன் வீட்டில் அவரது படத்துக்கு முதல்வர் மு.க.ஸ்டாலின் மரியாதை
சென்னை: மறைந்த திமுக பொதுச்செயலாளர் க.அன்பழகன் வீட்டில் அவரது படத்துக்கு முதல்வர் மு.க.ஸ்டாலின் மரியாதை செலுத்தியுள்ளார். முதல்வராக பதவி ஏற்ற பின் பெரியார், அண்ணா, கலைஞர் கருணாநிதி நினைவிடங்களில் முதல்வர் மு.க.ஸ்டாலின் மரியாதை செலுத்தினர்.
Dinakaran , May 7, 2021
முதல்வராக மு.க.ஸ்டாலின் பதவியேற்றத்தை அடுத்து திமுகவினர் பட்டாசு வெடித்து கொண்டாட்டம்
சென்னை: முதல்வராக மு.க.ஸ்டாலின் பதவியேற்றத்தை அடுத்து திமுகவினர் பட்டாசு வெடித்து கொண்டாடியுள்ளனர். தமிழகம் முழுவதும் பல்வேறு மாவட்டங்களில் இனிப்பு வழங்கியும் திமுகவினர் உற்சாகத்தை வெளிப்படுத்தினர்.
Dinakaran , May 7, 2021
சென்னை: அண்ணா, கலைஞரைத் தொடர்ந்து பெரியார் நினைவிடத்தில் முதல்வர் மு.க.ஸ்டாலின் மரியாதை செலுத்தினர். சென்னை வேப்பேரியில் உள்ள பெரியார் நினைவிடத்தில் முதல்வர் மு.க.ஸ்டாலின் மலர் தூவி மரியாதை செலுத்தியுள்ளார். மெரினாவில் உள்ள அண்ணா, கருணாநிதி நினைவிடத்தில் முதல்வர் மு.க.ஸ்டாலின் மலர் தூவி மரியாதை
சென்னை: மெரினாவில் உள்ள அண்ணா, கருணாநிதி நினைவிடத்தில் முதல்வர் மு.க.ஸ்டாலின் மரியாதை செலுத்தினர். புதிதாக பதவி ஏற்றுள்ள அமைச்சர்களும் அண்ணா, கருணாநிதி நினைவிடத்தில் மலர் தூவி மரியாதை செலுத்திலுள்ளனர்.
Dinakaran , May 7, 2021
சென்னை: சென்னை- கோபாலபுரத்தில் கலைஞர் இல்லாத்திற்கு முதலமைச்சர் மு.க.ஸ்டாலின் வருகை தந்துள்ளார். முதலமைச்சராக பதவி ஏற்று நேராக கலைஞர் இல்லத்திற்கு மு.க.ஸ்டாலின் சென்றுள்ளார். கலைஞர் திருவுருவப் படத்திற்கு முதலமைச்சர் மு.க.ஸ்டாலின் மரியாதையை செய்துள்ளார். சென்னை- கிண்டி ஆளுநர் மாளிகையில் இருந்து கலைஞர் நினைவிடத்துக்கு புறப்பட்டார் மு.க.ஸ்டாலின்
சென்னை: சென்னை- கிண்டி ஆளுநர் மாளிகையில் இருந்து கலைஞர் நினைவிடத்துக்கு முதல்வர் மு.க.ஸ்டாலின் புறப்பட்டார். முதலமைச்சராக பதவி ஏற்றதை தொடர்ந்து கலைஞர் நினைவிடத்தில் முதல்வர் மு.க.ஸ்டாலின் மரியாதை செலுத்துகிறார்.
Dinakaran , May 7, 2021
சென்னை: முதலமைச்சர் மு.க.ஸ்டாலினுக்கு பூங்கொத்து கொடுத்து ஆளுநர் பன்வாரிலால் புரோகித் வாழ்த்து தெரிவித்துள்ளார். முதல்வர் மு.க.ஸ்டாலின் மற்றும் புதிய அமைச்சர்கள் ஆளுநர் பன்வாரிலால் புரோகித்துடன் புகைப்படும் எடுத்துக்கொண்டனர். 
சென்னை: முதல்வர் மு.க.ஸ்டாலின் மற்றும் அமைச்சர் பெருமக்களுக்கும் மனமார்ந்த வாழ்த்துக்கள் என்று நடிகர் சூர்யா கூறியுள்ளார். முடிந்ததே தீர வேண்டிய பல காரியங்கள் வரிசைகட்டி முன்நிற்க, சட்டமன்ற தேர்தலில் மகத்தான வெற்றி பெற்று மக்களின் முதல்வராக பொறுப்பேற்றுள்ள முதல்வர் மு.க.ஸ்டாலினுக்கு நெஞ்சம் நிறைந்த வாழ்த்துக்கள் என அவர் தனது டுவிட்டர் பக்கத்தில் தெரிவித்துள்ளார். தேசிய கீதத்துடன் முதலமைச்சர் மு.க.ஸ்டாலின் பதவி ஏற்பு விழா நிறைவு
சென்னை: தேசிய கீதத்துடன் முதலமைச்சர் மு.க.ஸ்டாலின் பதவி ஏற்பு விழா நிறைவு பெற்றுள்ளது. முன்னதாக தமிழ்நாட்டின் முதலமைச்சராக திமுக தலைவர் மு.க.ஸ்டாலின் பதவியேற்றுக் கொண்டார். அதனை தொடர்ந்து 33 அமைச்சர்களாலும் பதவி ஏற்றுக்கொண்டனர்.
Dinakaran , May 7, 2021
மு.க.ஸ்டாலின் முதல்வராக பதவியேற்றதை கண்டு அவரது மனைவி துர்கா ஸ்டாலின் ஆனந்த கண்ணீர்!!
சென்னை : திமுக தலைவர் மு.க.ஸ்டாலின் முதலமைச்சராக பதவியேற்கும் போது அவரது மனைவி துர்கா ஸ்டாலின் கண்கலங்கினார். ஸ்டாலின் எனும் நான் என கவர்னர் சொல்ல, முத்துவேல் கருணாநிதி எனும் நான் என்று கூறி ஸ்டாலின் பதவிப் பிரமாணமும், ரகசியக் காப்புப் பிரமாணமும் எடுத்துக்கொண்டார். அப்போது துர்கா ஸ்டாலின் கண்கலங்கினார். யாரும் கவனிக்காவண்ணம் கண்களை துடைத்துக் கொண்டார். பின்னர் முதல் அமைச்சராக பதவி ஏற்று கொண்ட ஸ்டாலினுக்கு கவர்னர் பூங்கொத்து கொடுத்து வாழ்த்து தெரிவித்தார்.கவனருக்கு ஸ்டாலின் பொன்னாடை போர்த்தி பூங்கொத்து அளித்தார்.
Dinakaran , May 7, 2021
''முத்துவேல் கருணாநிதி ஸ்டாலின் எனும் நான்..'' தமிழக முதலமைச்சராக பதவியேற்றுக் கொண்டார் ஸ்டாலின்
சென்னை : தமிழகத்தின் முதல்வராக திமுக தலைவர் மு.க.ஸ்டாலின் பதவியேற்றுக் கொண்டார். சென்னை கிண்டியில் உள்ள ஆளுநர் மாளிகையில் மு.க.ஸ்டாலினுக்கு ஆளுநர் பன்வாரிலால் புரோஹித் பதவி பிரமாணம் செய்து வைத்தார்.
Dinakaran , May 7, 2021
திமுக தலைவர் மு.க.ஸ்டாலின் பதவியேற்பு விழாவில் கமல் உள்ளிட்ட அரசியல் கட்சி தலைவர்கள் பங்கேற்பு
சென்னை : திமுக தலைவர் மு.க.ஸ்டாலின் பதவியேற்பு விழாவில் அதிமுக சார்பில் ஒருங்கிணைப்பாளர் ஓபிஎஸ், தனபால், நவநீத கிருஷ்ணன் , பாஜக சார்பில் மூத்த தலைவர் இல.கணேசன் ஆகியோர் பங்கேற்றுள்ளனர். அத்துடன் திமுக கூட்டணி கட்சி தலைவர்கள், எதிர்க்கட்சி தலைவர்கள் உள்ளிட்டோர் பங்கேற்றுள்ளனர். காங்கிரஸ் கட்சித் தலைவர் கே. எஸ் அழகிரி ,முன்னாள் தலைவர் திருநாவுக்கரசர் , வைகோ ,திருமாவளவன், சிதம்பரம், முத்தரசன், காதர் மொய்தீன் ,வீரமணி, வேல்முருகன் ஆகியோர் பங்கேற்றுள்ளனர்.பதவியேற்பு விழாவில் கருப்புச் சட்டை அணிந்தவாறு கமல் பங்கேற்றுள்ளார்.
Dinakaran , May 7, 2021
சென்னை : மு.க.ஸ்டாலின் பதவியேற்பு விழாவில் முன்னாள் துணை முதல்வர் ஓ பன்னீர் செல்வம் பங்கேற்றுள்ளார்.அதிமுக சார்பில் ஒருங்கிணைப்பாளர் ஓ.பி.எஸ்.,நவநீத கிருஷ்ணன், முன்னாள் சபாநாயகர் தனபால் ஆகியோர் பங்கேற்கின்றனர்.தமிழக முதல்வராக நாளை பதவி ஏற்க உள்ள நிலையில் தலைவர்களிடம் வாழ்த்து பெற்றார் மு.க.ஸ்டாலின்
சென்னை: மார்சிஸ்ட் கம்யூனிஸ்ட் கட்சியின் முதுபெரும் தலைவர் சங்கரய்யாவை குரோம் பேட்டையில் உள்ள இல்லத்தில் சந்தித்து மு.க.ஸ்டாலின் வாழ்த்து பெற்றார். இந்திய கம்யூனிஸ்ட் கட்சி முத்த தலைவர் நல்லகண்ணுவை சந்தித்து மு.க.ஸ்டாலின் வாழ்த்து பெற்றார். எம்.ஜி.ஆர். கழக தலைவர் ஆர்.எம்.வீரப்பனை சந்தித்து மு.க.ஸ்டாலின் வாழ்த்து பெற்றார்.
Dinakaran , May 6, 2021
133 சட்டமன்ற உறுப்பினர்கள் ஆதரவுடன் ஆட்சி அமைக்க ஆளுநரிடம் உரிமை கோரினார் மு.க.ஸ்டாலின்
சென்னை: 133 சட்டமன்ற உறுப்பினர்கள் ஆதரவுடன் ஆட்சி அமைக்க ஆளுநர் பன்வாரிலால் புரோஹித்திடம் திமுக தலைவர் மு.க.ஸ்டாலின் உரிமை கோரியுள்ளார். சென்னை ஆழ்வார்பேட்டை இல்லத்தில் இருந்து ஆளுநர் மாளிகைக்கு புறப்பட்ட ஸ்டாலினுடன் துரைமுருகன், டி.ஆர்.பாலு, கே.என்.நேரு, ஆர்.அஸ்.பாரதி உள்ளிட்டோர் சென்றுள்ளனர்.
Dinakaran , May 5, 2021
133 சட்டமன்ற உறுப்பினர்கள் ஆதரவு கடிதத்துடன் ஆளுநர் மாளிகை புறப்பட்டார் மு.க.ஸ்டாலின்
சென்னை: 133 சட்டமன்ற உறுப்பினர்கள் ஆதரவு கடிதத்துடன் மு.க.ஸ்டாலின் ஆளுநர் மாளிகை புறப்பட்டுள்ளார். சென்னை ஆழ்வார்பேட்டை இல்லத்தில் இருந்து ஆளுநர் மாளிகைக்கு மு.க. ஸ்டாலின் புறப்பட்டார். ஸ்டாலினுடன் துரைமுருகன், டி.ஆர்.பாலு, கே.என்.நேரு, ஆர்.அஸ்.பாரதி உள்ளிட்டோர் செல்கின்றனர்.
Dinakaran , May 5, 2021
சென்னையில் கொரோனா நோயாளிகளுக்காக ஆக்சிஜன் வசதி பொறுத்தப்பட்ட பேருந்து சேவை இன்று தொடக்கம்
சென்னை: சென்னையில் கொரோனா நோயாளிகளுக்காக ஆக்சிஜன் வசதி பொறுத்தப்பட்ட பேருந்து சேவை இன்று தொடங்கப்பட உள்ளது. ஜெயின் சங்கம் சார்பில் 4 ஆக்சிஜன் வசதியுடன் கூடிய பேருந்துகளை திமுக தலைவர் மு.க.ஸ்டாலின் தொடங்கி வைக்கிறார். மதியம் 1.30-க்கு ஓமந்தூரார் மருத்துவமனை வளாகத்தில் நடக்கும் விழாவில் உதயநிதி ஸ்டாலினும் கலந்து கொள்கிறார்.
Dinakaran , May 5, 2021
சென்னை: வெற்றிக்காணிக்கை என்ற பெயரில் தங்களது உடலுக்கு ஊறுவிளைவித்துக் கொள்ள வேண்டாம் என திமுக தலைவர் மு.க.ஸ்டாலின் கேட்டுக்கொண்டுள்ளார். திமுக பெண் தொண்டர் ஒருவர் நாக்கை அறுத்து கோயில் உண்டியலில் போட்டு நேர்த்திக்கடன் நிறைவேற்றியுள்ளார். திமுக தொண்டர்கள் துயரத்தை உண்டாக்கும் நிகழ்வுகளில் ஈடுபட வேண்டாம் என்றும் ஸ்டாலின் கோரிக்கை விடுத்துள்ளார். அம்மா உணவகத்தின் பெயர் பலகையை எடுத்த 2 பேர் திமுகவில் இருந்து நீக்கம்
சென்னை: சென்னை மதுரவாயல் பகுதியில் அம்மா உணவகத்தின் பெயர் பலகையை எடுத்த 2 பேர் திமுகவில் இருந்து நீக்கப்பட்டுள்ளார். திமுக தலைவர் மு.க.ஸ்டாலின் ஆணைப்படி பெயர் பலகை மீண்டும் அதே இடத்தில் பொறுத்தப்பட்டுள்ளதாக மா.சுப்பிரமணியன் கூறியுள்ளார். அத்துமீறிய செயலில் ஈடுபட்ட திமுகவினர் 2 பேர் மீது சட்டரீதியான நடவடிக்கை எடுக்கவும் ஸ்டாலின் உத்தரவிட்டுள்ளார்.
Dinakaran , May 4, 2021
கொரோனா தடுப்பு நடவடிக்கைகள் தொடர்பாக அதிகாரிகளுடன் மு.க.ஸ்டாலின் மீண்டும் ஆலோசனை
சென்னை: கொரோனா தடுப்பு நடவடிக்கைகள் தொடர்பாக அதிகாரிகளுடன் மு.க.ஸ்டாலின் மீண்டும் ஆலோசனை நடத்துகிறார். இந்த ஆலோசனையில் தலைமை செயலாளர், சுகாதாரத்துறை செயலாளர்மற்றும் சென்னை மாநகர காவல் ஆணையர் மகேஷ்குமார் அகர்வால் ஆலோசனையில் பங்கேற்கின்றனர்.
Dinakaran , May 4, 2021
கொரோனா தடுப்பு நடவடிக்கை குறித்து இன்று மாலை 5 மணிக்கு மு.க.ஸ்டாலின் மீண்டும் ஆலோசனை
சென்னை: தமிழகத்தில் கொரோனா தடுப்பு நடவடிக்கை குறித்து இன்று மாலை 5 மணிக்கு மு.க.ஸ்டாலின் மீண்டும் ஆலோசனையில் ஈடுபட உள்ளார். தலைமைச் செயலாளர், சுகாதாரத்துறை செயலாளர், டி.ஜி.பி. உள்ளிட்டோரும் ஆலோசனையில் ஈடுபட உள்ளனர்.
Dinakaran , May 4, 2021
தமிழக தேர்தல் முடிவுகள்: திமுக அரசிடம் மலேசியத் தமிழர்கள் எதிர்பார்ப்பது என்ன?
BBC Tamil News , May 4, 2021
மாநில உரிமைகள் விஷயத்தில் கருணாநிதி போல் மு.க.ஸ்டாலின் செயல்படுவார்: திருமாவளவன் பேட்டி
சென்னை: மாநில உரிமைகள் விஷயத்தில் கருணாநிதி போல் மு.க.ஸ்டாலின் செயல்படுவார், அவருக்கு என்னுடைய வாழ்த்துக்கள் என்று திருமாவளவன் பேட்டியளித்துள்ளார். தமிழகத்தில் பாஜகவால் எந்த தாக்கத்தையும் ஏற்படுத்தி விட முடியாது. 20 நாள் இடைவெளியில் பானை சின்னத்தை மக்களிடம் கொண்டு சேர்த்துள்ளோம் என தெரிவித்துள்ளார்.
Dinakaran , May 3, 2021
கொளத்தூர் தொகுதியில் 3-ம் சுற்று முடிவில் திமுக தலைவர் மு.க.ஸ்டாலின் 6,000 வாக்குகள் முன்னிலை
சென்னை: தமிழக சட்டமன்ற தேர்தலில் குளத்தூர் தொகுதியில் 3-ம் சுற்று முடிவில் திமுக தலைவர் மு.க.ஸ்டாலின் 6,000 வாக்குகள் முன்னிலையில் உள்ளார். திமுக கூட்டணி மொத்தம் 137 தொகுதிகளில் முன்னிலையில் உள்ளது. அதிமுக கூட்டணி 96 தொகுதிகளில் முன்னிலை பெற்றுள்ளது.
Dinakaran , May 2, 2021